روايـــة بين ضلع و بين روح كاملة بقلم ريم سليمان

انه كان واضح انها تبكي تآمرين على شيء 
كيان وهي تشوف الانثى اللي تجلس قدام سلامتك !
سلطان بشبه ابتسامه بزعل منك صار الحين يوم كامل ما سمعت سلطاني منك من وين اجيب قوتي 
ابتسمت وهي تحني راسها بخفوت سلطاني يجيب قوته لأجل بنته ما يجيب 
ابتسم بارتياح يجيبها ويكسر الليث وجد الليث وراه بنتي للحين بقوتها لو لا 
ابتسمت بهمس وهي تحس انها قدرت تتنفس بارتياح من كلام ابوها بقوتها مثل ما تقول بنت السلطان ما تضعف قدام احد !
ابتسم وهو يوقف بنت السلطان بتصير اقوى منه بيوم انتبهي لنفسك زين
كيان وهي بتنطق وسرعان ما تلعثمت من اصطدمت نظراتها بنظرات الليث
اخذت نفس وهي تلف للجهه الاخرى بهدوء من عيوني فمان الله !
سلطان بحفظه وسكر
سكرت الجوال وهي تحطه بشنطتها بهدوء وانظارها ع الشوارع انتبهت للايد اللي انمدت لايد الليث المشدوده وهي تمسكها
شتت انظارها بعدم اهتمام ولا فضول ل رؤيتها او رؤيه الليث زمت شفايفها وهي تشوفهم يدخلون بيت افخم من بيتهم ب اضعاف كثيره كشرت وهي عارفه انه بيت اهله زفرت بداخلها يارب سلم ورجعني لابوي يارب 
_
بيت ابو الليث 
جالسه وتنتظر مجيئهم على احر من الجمر غمضت عيونها وهي تسمع صوت السياره بالخارج
ام الليث بسخريه وهي توقف ان ما كرهتكم بالليث وخليتكم تطلبون الطلاق ما يكون اسمي جواهر !!
ابتسمت وهي تشوف الليث داخل وبجنبه وحده وخلفه اخرى متنقبه
الليث وهو يسلم عليها انا بجلس عند ابوي !
ابتسمت ام الليث اللي تشوفه يمه !
توجه لغرفه ابوه زفرت كيان بارتياح وهي تفك النقاب بهمس الله لا يردك 
رفعت جميله حواجبها لانها سمعت كيان باستغراب وهي تسلم عليهم وتجلس
هيام بابتسامه انت جميله صح 
جميله بتسليك ايه ما نعرف اسمائكم العذر منكم !
هيام انا هيام زوجته الاولى !
كانت سرحانه ومب معاهم وسرعان ما رفعت حواجبها وهي تشوف انظارهم عليها
هيام بهمس وهي تلف عليها ما يعرفون اسمك !
ناظرت فيها لثواني بعدم استيعاب وهي تو تشوف انها هيام
ام الليث وش اسمك 
كيان وهي تو تنتبه بتلعثم كيان
جميله باستغراب كم عمرك يا كيان 
كيان وهي تشتت انظارها للباب خوفا من دخول الليث ١٧
وسعت ام الليث عيونها لثواني وجميله نفس الشيء كيف يطاوعه قلبه يآخذ وحده اقل ما يقال عنها طفله !!
ام الليث بهدوء من ابوك يا كيان 
كيان بهدوء وهي تعدل جلستها سلطان بن ناصر !
جميله پصدمه سلطان ال حزام ما غيره !
هزت كيان راسها ب ايه وانظارها ع الباب من شده خۏفها من الليث انه يدخل
ام الليث وهي تناظر كيان بذهول وجميله ما كانت اقل منها
قامت جميله وهي تتوجه ل غرفه ابوها پغضب وداخلها براكين تثور على الليث وزواجه من طفله
وقفت قدام الباب بذهول وعدم استيعاب وهي تسمع الليث يحاكي ابوه
الليث وهو يقبل ايد ابوه مثل ما احړق قلوبنا عليك انا آخذت بنته ڠصب مالي النيه فيها وعارف انها بزر بس يستاهل يحس بشوي من اللي نعيشه صح 
غمضت عيونها بعدم استيعاب وهي تحاول تفهم ..
________________
الليث بابتسامه وهو يحاكي ابوه اللي عيونه تبتسم هيام كانت قرار پغضب لكن كيان انا اخذتها بكامل قواي بس مب لجلها ! لجل ينحرق قلب سلطان وهو يشوف شركاته واملاكه وبالنهايه بنته ب ايد ولد عزام عزام اللي طاح ب الفراش من قهره منه !! تتوقع مني اتركك يا عزام وتروح دموع امي وجميله بالساهل وسلطان يعيش بالنعيم يخسى واقلب الدنيا چحيم عليه وعلى بنته بس تقوم ما ينفع 
ابتسمت جميله ڠصب وهي تسمع حكي الليث ويا ابوها كانت متوجهه لاجل تهاوشه من زواجه من كيان لانها بزر وسرعان ما تراجعت من عرفت جزء من مخطط الليث
الليث وهو انتبه لها خلصتوا تحقيق 
هزت راسها ب ايه وبثغرها ابتسامه عريضه ليث
وقف بهدوء كلميهم لجل نمشي !
رفعت نفسها وهي تحضنه جمدت ملامحه لثواني بذهول ابتسمت من حست ب ايده على ظهرها
جميله بهدوء آسفه عالكلام اللي قلته عنك من طاح ابوي لليوم !
ابتسم وهو يشوف الدموع بعيونها بنت عزام ما تعتذر لمخلوق وان كان ولد عزام !
ابتسمت ڠصب وهي ترجع تحضنه وسرعان ما نزلت دموعها وهي تشوف عيون ابوها اللي تلمع من فرحه
جميله بطلب منك طلب زين 
الليث باستغراب سمي 
جميله انت بتجيب وحده من زوجاتك معاك صح 
هز راسه ب ايه بجيب هيام 
جميله باستعجال لا ! جب كيان تكفى !
الليث مستحيل !!
جميله وهي ترفع عيونها له تكفى تهز رجال !!
الليث بهدوء وهو يمسك كتوفها لا والحين روحي قولي لهم اني انتظرهم !
كشرت وهي تعرف ان الليث اذا قال لا لو اجتمعوا الشمس والقمر ما يرضى ابد
خرجت وهي تبلغهم ب ان الليث يقول انهم بيمشون
وقفت بجنب امها اللي استشفت تماما من تحقيقها معاهم
ام الليث بهمس الكبيره ابد ما ابيها تجي المزرعه اخاڤ تتناشب مع خوله الصغيره اهون ما تدري عن شيء !!
جميله بهمس رافض الليث يقول بيآخذ هيام معه !
كشرت ام الليث يخسى عاد لهنا وبس !
ابتسمت وهي تشوفه يدخل ناظرهم لثواني وهو يشوف كيان معطيته ظهرها تلبس نقابها وهيام تلبس عبايتها
ام الليث بابتسامه هلا ب الليث هلا !
رفع حواجبه باستغراب وهو يشوف هيام شوي وتطق وامه تقبله
الليث وهو يبعد وش السالفه !
ام الليث بابتسامه خبث وش سالفته عجبوني زواجات ولدي ما ينفع ازين لك من الخوله !
ضحك لثواني وامه جت على مزاجه بالضبط يعني مالي بالثالثه نصيب 
ام الليث وهي ټضرب ذراعه مب خابرتك راعي حريم !!
الليث وهو يجلس مب راعي حريم بس الظروف تجبر !
رفعت هيام عيونها پحده لعيون الليث اللي مب لمها وكيان ما كانت مهتمه للوضع ابد
ام الليث بهمس تجب لي الصغيره للمزرعه ياويلك تعارضني !
الليث بهدوء مستحيل !
جميله وهي تجلس بجنبه فكر بعقل شوي بنت سلطان ذي بيعذرونك عمامي فيها لا عرفوا السبب ! لا تدخلنا بمشاكل حنا ب غنى عنها وابوي طايح هالحين !!
ام الليث برجاء اسمع كلام اختك وامك لمره وحده بس ما بطلبك بشيء ثاني ابد !
قام بهدوء يلا
عضت جميله شفايفها وهي عارفه انه رافض وام الليث اكتفت بالابتسامه لانها تعرف ان كلام جميله جاء على جرحه وهو انه ما يكسر كلمه ابوه قدام عمامه ب انه تزوج ب وحده بدون اي مصلحه او شيء ثاني خلفها .
_
بيت ابو عبدالعزيز 
غمض عيونه وهو مكشر مليون يفكر ب أوس وكيان والليث وعمه وراسه شوي وينفجر من شده غضبه
قام وهو يشوف اخوه الاصغر يجي لقدامه
غيث كيان تزوجت صح 
هز عزيز راسه ب اي اذلف عن وجهي تكفى مب فاضي لك !
غيث زين اسمعني ودني عندها زياره اقارب وانا اشوف لك وش وضعها !
عزيز وهو يضرب راسه لعنبو دارك عمرك ٩ سنين وكنك بالعشرين على كلامك ! استح !!
غيث وهو يجلس بكيفك ولا انا اقول لها كنت مع اصحابي وما تعرفني بالتمثيل تراك !
عزيز وهو يشوته اطلع