رواية لمار ودياب كاملة بقلم اميرة اسامة

بكام ساعه بس يادوب جه حضر شنطته...حتي منامش ومشي علي طول...
عاصم....طبيعه شغله يا حبيبتي بتفرض عليه السريه ديما 
حنان...سريه علي اهل بيته...
عاصم...ده اهل بيته اول ناس...
ريهام....بدون وعي لكلامها....كان نفسي اشوفه واسلم عليه قبل ما يمشي...
الكل كان عارف ان ريهام معجبه بدياب...وكانو واثقين ان امها اللي خلتها تحطه في دماغها..
عادل...بسخريه....ما لو كنتي فالبيت وقتها كنتي شفتيه بس للاسف انتي ومامتك بره البيت ديما...
ريهام...لو اعرف مكنتش سهرت مع صحابي.  بس هو سافر فجأه..
حنان...تجاهلت كلام عادل....

وفاللحظه دي...جالها تليفون....وبمجرد...ما شافت الرقم..وشها جاب الوان وكنسلت بسرعه...
عادل....بصلها وسكت...
رجع...التليفون رن تاني عملت انها بتكنسل بس قفلته بسرعه.. الكل كان ملاحظ تغيرها بس كملو اكل عشان ميلفتوش نظر عادل اللي كان بيبصلها پغضب...
عادل...ايه ما تردي لا يكون حاجه مهمه..
حنان....بارتباك...هااا لا لا مش مهم ولا حاجه...دول الشله بيستعجلوني اكيد...
عادل...الشله....اممم طيب لا يكون في حد فيهم تعبان ولا حاجه..
حنان...لا لا متقلقش وسابت المعلقه من ايدها الحمد لله شبعت...هقوم انا عشان اجهز...تسلم ايدك يا نونه الاكل يجنن..
بصتلها نوال باستغراب اول مره تشكرها علي اكل او حتي تدلعها تصرفاتها كانت متلغبطه ومرتبكه وواضح انها بتحاول تدراي الموقف.
نوال...بالف هنا...
طلعت حنان ...وسط نظراتهم ليها ونظرات عادل اللي كانت بتخترقها.....
خلصو الاكل وقام عادل وعاصم اعدو عالكنبه...وراحت ريناد تكلم ياسمين...
وطلعت ريهام....اوضتها وقررت انها متخرجش لاول مره كانت مضايقه جدا وحاسه ان عدم وجود دياب مأثر فيها وفارق معاها...
اما نوال راحت تعملهم القهوه وسابت مجال ليهم يتكلمو مع بعض...
عاصم....مالك ياعادل...
عادل...مفيش ولا حاجه...
عاصم...ولا حاجه ازاي انت مش شايف شكلك ولا ايه.  ولا فاكر ان اخوك مش هيعرفك ويحس بيك ..
عادل....انا قربت اټجنن يا عاصم مبقتش قادر..
عاصم...قولتلك استحمل عشان خاطر ريهام...
عادل....بحاول بس مش قادر....
عاصم....ممكن اسألك سؤال وترد عليا بس من غير ماتزعل....
عادل...انت عارف ان عمري ما ازعل منك....
عاصم.....انت شاكك في حنان....
عادل....انا مش شاكك انا متأكد...
عاصم....نعم...تقصد ايه...
عادل...اقصد اني حاطط حنان في دماغي من فتره بس مكنش في حاجه بلاحظها لكن الكام يوم دول تليفونات كتير خروج اكتر...اوقات ارقام غريبه بتتصل بيها...ولو انا اعد بتكنسل او تقفل التليفون خالص....
عاصم...طيب ما تواجهها..
عادل...كله في وقته ياعاصم...
عاصم...طيب انا اهم حاجه عندي انك تكون بخير...عشان خاطري براحه علي نفسك..
عادل...متقلقش يمكن دي اول مره...احس اني متمسك بالحياه....وحاسس ان هي اللي نهايتها قربت معايا...
عاصم....بس حاول تتصرف بعقل.
عادل...متخافش مش ھڨتلها واضيع عمري اكتر ماهو ضاع دي متستاهلش اصلا بس اكيد هتتحاسب وتدفع التمن....حنان بعيدا عن شكي فيها بس طول الوقت حاسس انها مخبيه حاجه واكيد هعرفها وهفضل وراها..
عاصم...خير ان شاء اللله...
سكت...عادل وفضل شارد....
اما عاصم فكان مضايق عشانه اوي...وبيدعي ربنا انه يريح باله ويبعد العقربه دي عنه..
..........  ........   ........
اما عند دياب ولمار....
كانت طول الوقت بتتلاشي النظر ليه حتي هو كان بيتعامل بجديه ملحوظه...
خلصو اكل وابتدو تمارين...واتدربو كتير علي اللغه...وابتدا دياب...لاول مره...يعرفها علي طريقه لبس مايا كلامها اسلوبها حركات جسمها...وكان بيوريها صور...وفديوهات ليها..
لمار...كانت بتحاول طول الوقت انها تركز عشان تنسي اللي حصل بينهم والكلام اللي اتقال...وقدرت شخصيه مايا انها تستفزها و تخليها تركز معاها...في كل تفصيله دياب بيشرحها..
لمار....يعني المفروض اني هقابل الشخص ده هنا في مصر..
دياب...اه هو المفروض جاي مخصوص.
لمار...حست بتوتر.
دياب...مالك..
لمار..ابدا...بس حاسه اني متوتره
دياب..ليه..اولا مفيش داعي للتوتر..احنا هنكون معاكي في كل مكان فالفندق ده اولا وبعدين انتي كده كده لما كنتي هتسافري كنتي هتحتكي بيهم شخصيا ووقتها هنكون معاكي بس من بعيد .
لمار...عارفه بس مكنتش اعرف ان الموضوع قرب اوي كده..
دياب...الوقت بيجري يالمار واحنا الوقت في تاني اسبوع...لازم تحصل المكالمه بينك وبينهم ولازم تقابلي الشخص ده...وبعدها هنكمل اكيد بس واحنا بنجهز للسفر.
لمار..خدت نفس طويل..
تمام....
رجع كمل دياب كلام عن مايا...
لكن فجأه لمار اتحولت ملامحها...
لمار...نعمممم تقصد ايه..
دياب...اقصد اللي سمعتيه...
لمار...اللي سمعته من اول ما ابتديت تتكلم عنها انها واحده بتعرف رجاله وولاد وبتكلمهم وبتمشي امورها...لكن انت الوقت بتقول كلام صعب اني افهمه...
دياب......اللي فهمتيه صح يالمار..
لمار...صح ايه...بالظبط...انها واحده ليها علاقات مش بنت...يعني كانت ممكن تعمل اي حاجه واي علاقه عشان بس توصل لشويه معلومات...
تمام...اوك عادي...بس المفروض ان اكيد الجزء ده فالعملية ميخصنيش صح...
بصلها...دياب وفضل ساكت....
لمار...بعصبيه....اتكلللم انت باصصلي وساكت ليه...
دياب...اولا اهدي ووطي صوتك...
لمار...اوطي صوتي...يبقي اللي فهمته صح يا سياده النقيب....مصېبه لا تكون كمان عايز تقولي ان المقابله اللي هعملها مع الراجل فالفندق مش هتكون مقابله عاديه...
دياب.. باستفزاز....كويس انك فهمتي...
وقفت...لمار وهي بټضرب عالتربيزه وبتصرخ...انت اكيد مچنون..
دياب...بعصبيه..وطي صوتك ولمي لسانك ده...
لمار...اوطي صوتي...انت فاهم انت عايز مني ايه.
دياب...اولا انا مش عايز منك حاجه دي اوامر عرفتها من سياده اللواء.. وطلب مني اني ابلغك ...وانا بنفذ...
بصتله...لمار...وهي بتضحك ومش مستوعبه اللي بتسمعه...
لمار.....وانا مش هكمل المهمه يادياب
دياب...وانتي فاهمه انهم هيوافقو..
لمار...ايه هيغصبوني ولا هيهددوني...انت نسيت اني واحده مېته...يعني مش باقيه علي حاجه.
دياب...لا منستش...بس كمان اكيد منستش ان لسه عندهم اللي يهددوكي بيه.
لمار....تقصد ايه...
دياب...اقصد والدتك...واقصد كارمن..
لمار....نعم...انتو ازاي كده...
وانت ازاي كده....انت مش من شويه قولت انك بتحبني صح....ايه هتقبلها علي رجولتك ياسياده النقيب...ولا ده كان كلام...بتحاول تثبتني بيه...يمكن تقدر تلحق تاخد مني حاجه قبل غيرك...
صوت قلم....تردد صداه اكتر من مره...في الصحرا....
لمار...حطت ايدها علي وشها ودموعها نازله وبصاله....
دياب.....القلم ده عشان بس متنسيش نفسك وتعرفي انك مش بتكلمي اي حد انتي بتكلمي دياب. الدالي...اللي عمره ما ضحك علي بنت ولا استغلها...وعشان ټندمي على كلامك يالمار...انا لو عايز اخد منك اي حاجه كنت خدتها مش هنا لا كان ممكن اخدها فالقسم كمان...وسط كل الناس...بس دياب الدالي...ارجل واحد ممكن تقابليه في حياتك...
وعموما انا والله كنت هحاول اخرجك من اللي انتي فيه....بس انتي مستسلمه...واستسلامك...خلاهم يطلبو اللي هما عايزينه...مانتي كده كده مېته....مش ده كلاااااااامك
يبقي اشربي...واتنازلي اكتر يا لمار...وشيلي شيله مش بتاعتك...وزودي في الحمل..اكتر واكتر... وخلي كل واحد معدي يشيلك ما انتي بطله هيييييرووو بتشيلي كل حاجه وبتسكتي...مانتي كده كده مېته...مش ده كلامك...
لمار...حست بكلام دياب...وحست انها بتتصارع من جوه...
لمار...بدموع.....انت عندك حق انا شيلت شيله مش بتاعتي يمكن...ويمكن كمان...انا اللي عملت كده في نفسي...بس خلاص الوقت خلص...وحتي لو اتكلمت انا اصلا مۏت..وطلعلي شهاده وفاه...يعني مبقاش ليا وجود...ولو عملت ايه محدش هيسمعني....خصوصا الوقت لانهم زي ماقولت محتاجيني...
خلصت يادياب...
دياب....تقصدي ايه...
لمار...وهي بتمسح دموعها..
وبكل قوه وثبات....
بلغهم..موافقتي. وعرفهم اني جاهزه.. 
واني زي ما قټلت ابويا وانا بكامل قواي العقليه.....
هسلم نفسي لاي حد بردو بكامل قواي العقليه لكن المرادي وانا مجبره ..وسابته لمار ودخلت اوضتها...وقفلت علي نفسها وهي مڼهاره
اما دياب فا وقف  مصډوم 
البارت السادس عشر....
طلعت حنان اوضتها بسرعه..
واول ما دخلت مسكت الموبايل فتحته بسرعه...واول ما اتفتح جابت رقم المجهول اللي بيتصل عليها واتصلت..
مجهول.....الووووو
حنان... ايوه يازفت 
مجهول...ايه ياست الكل مبترديش ليه.
حنان....هو انا مش قولتلك متتصلش بيا ابدا وانا اللي هتصل بيك
مجهول...مانتي متصلتيش فا قولت يمكن نسيتي اللي طلبتيه مني
حنان...نسيت ازاي ياغبي وانت بتقول انا اللي طلبت منك..
مجهول...حقك عليا ياست الكل.
حنان....المهم ايه الاخبار...
مجهول....زي ما قولتلك ضايعه خالص.
حنان....طيب بقولك ايه خلص خالص.
مجهول...اخلص ازاي مش فاهم.
حنان ....هو ايه اللي مش فاهم بقولك خلص خالص. مش عايزه اي قلق عايزه اخلص من الکابوس اللي بقالي فتره فيه ده..
مجهول...ايوه بسس.
حنان....خلص وهديك ضعف اللي كنت هدهولك.
مجهول...ياست الكل