الحقيقة وراء أبو الهول تخيف علماء الآثار

حاجة لتحت.. دي يا سيدي بردو كلمة مصرية معناها نزل..
وغير كده كتير.. كلمة ست دي كلمة مصرية قديمة وليها أصلين.. الأولى هي ست بمعنى امرأة أو واحدة ست.. والتانية هي ست إله الشړ عند المصريين القدماء.. وطبعا أنا مقصدش أي حاجة من الكلام ده ومفيش أي غرض من إن الكلمتين جايين مع بعض.. هما اللي بيقولوا كده مش أنا
كلمة سك اللي بنقولها على حاجة بنقفلها.. دي كلمة مصرية قديمة معناها أغلق أو قفل.. لما الحاجة بتبوش وتطرى دي متاخدة من كلمة باش بمعنى طري أو ندى.. لما بتقول على واحد إنه كوش على كل حاجة دي أصلا كلمة مصرية قديمة بردو معناها سرق كل شيء.. كلمة صهد اللي بنقولها على الحر دي كلمة قبطية معناها ڼار.. الهمهمة اللي هي في اللغة العربية معناها الهمسات دي كلمة مصرية قديمة معناها صوت خاڤت..
ده حتى مدينة مكة المذكورة في القرآن باللغة العربية اللي هي قبلة المسلمين ومكان الحرم جاية من كلمة مصرية قديمة بردو أصلها من قبل الإسلام واللغة العربية نفسها هي بكة..
وبكده زي ما أنت شايف اللغة اللي بيتكلمها المصريين برغم إنها بتتنطق وبتتكب بحروف عربية لكن هي في الأساس لغة مصرية خالصة وأصلها مصري.. ولما دخل العرب مصر ومعاهم اللغة العربية فاللي حصل هو إن اللغة العربية هي اللي اتأثرت بالعامية القبطية المصرية عندنا مش العكس.. وبقيت تلاقي معظم المصريين بيتكلموا عاميتهم المصرية القديمة بس بحروف عربية مش أكتر..
ويمكن اللي ساهم أوي في انتشار الهوية المصرية دي في كل حتة هو دور مصر الثقافي والريادي والفني والسينما المصرية اللي انتشرت في كل حتة من أراضي العرب.. تلاقيهم كلهم بيعرفوا يفهموا المصريين عشان كانوا وما زالوا بيتفرجوا على الأفلام والمسلسلات وبيسمعوا الأغاني المصرية.. ومعظمهم عارفين عبد الحليم وأم كلثوم وعادل إمام وفريد شوقي وغيرهم كتير مفيش وقت كفاية نقولهم كلهم..
لكن تخيل معايا لو كان كل الدور الثقافي المصري ده مش موجود ومكانش في أفلام ولا أغاني ولا مسلسلات.. كنت هتلاقي حد من العرب الغير مصريين يقدر يفهم مننا حاجة.. لأ طبعا عشان اللهجة بتاعتنا في الحالة دي هتبقى مختلفة وبعيدة تماما عن العربي المعروف اللي كل الناس بتتكلم بيه.. وده لإن أصلها في الأساس مش عربي بل هو مصري قديم..
وعشان كده لازم نقول ونأكد على إن مصر ليها حضارة وخلفية تاريخية وثقافية متميزة وهويتها الأصلية مختلفة تماما عن كل الدول التانية الموجودة في المحيط العربي ويمكن في العالم كمان.. باختصار مش هتلاقي أي دولة تانية شبيهة بمصر ولا أي شعب تاني يشبه للمصريين في عاداتهم وتقاليدهم وثقافتهم.. كل حاجة عندنا هنا مختلفة وليها طابع خاص مميز وأصلها يرجع لأزمنة قديمة جدا كانت مصر فيها موجودة قبل ما يكون في حاجة إسمها الدول أو الأديان وقبل حتى اللغة العربية..
ده غير التقنيات الخرافية اللي تم استعمالها في بناء أقدم وأهم آثار قديمة موجودة دلوقتي على الكوكب.. زي الهرم وأبو الهول وزي المقاپر والمعابد والمسلات وزي قناع توت عنخ آمون وغيره واللي لحد دلوقتي مفيش أي حضارة على الأرض تقدر تصمم حاجة بربع اتقانهم حتى باستعمال التكنولوجيا الحديثة!!
وكل ده بقى دلوقتي في ناس بتحاول تسرقه منك وتنسبه لنفسها بالباطل.. محاولة ممنهجة لټدمير انتماءك لتاريخ الأرض دي والبلد العظيم ده وجعلك تتشبه بحضارات وبلاد تانية وتتمنى تبقى زيها برغم ان تاريخ البلاد دي كله أقل من لمحة بصر من تاريخك الحقيقي..
آه انت حاليا مش في أحسن حالاتك لكن مفيش بلد في التاريخ فضل طول عمره على القمة بدون فترات انحدار.. والفترات دي ممكن تستمر لمئات السنين عادي.. ده مش معناه ان اصلك وحضارتك وتاريخك مش عظام.. ومش معناه ان مستقبلك اللي جاي مش هترجع فيه تاني للقمة..
مفيش حد بيطلع لقدام من غير ما يبقى عارف أصله أيه وهويته أيه.. وانت كمصري مش مجرد شخص عادي.. أنت بتنتمي بصلة الدم لأقدم حضارة على وجه الأرض.. الحضارة اللي صنعت التاريخ البشري نفسه واللي نبعت منها كل حاجة تانية بعدها.. ف اعرف أصلك وتاريخك وهتعرف ليه في ناس بتحاول تاخده منك وتنسبه لنفسها.. عشان مفيش حضارة على سطح الكوكب وصلت لربع اللي عندك مرمي تحت رمال الصحرا..
يتبع.....
تخيل لو جيت وقلتلك ان في العصور القديمة اللي سبقت وجود التاريخ المسجل كان في حضارة متطورة تكنولوجيا عاشت على أرض مصر واختفت في حدث مفاجيء أثر على العالم كله تقريبا!
والحضارة دي في أوج مجدها كان فيها ناس قدروا يبنوا مباني بدقة منقدرش نكررها دلوقتي في العصر الحديث! دقة أقرب لدقة الليزر اللي بنستعمله في الصناعة دلوقتي بل وتتفوق عليها كمان! ومش بس كده ده الناس دول من الممكن جدا انهم كانوا بيستعملوا الكهرباء اللي احنا نعرفها دلوقتي وبينوروا بيها شوارعهم وبيوتهم!
لكن الغريب