الحقيقة وراء أبو الهول تخيف علماء الآثار

تورين.. البردية دي هي عبارة عن خريطة مصرية قديمة مرسومة على ورق بردي تم اكتشافها في دير المدينة في طيبة وجمعها عالم اسمه برناردينو دروفيتي في مصر في وقت ما من قبل سنة 1824.. وهي تعتبر عموما أقدم خريطة جيولوجية باقية وليها أهمية طبوغرافية من العالم القديم..
طيب أيه أهمية البردية دي بقى!
البردية دي يا سيدي تعتبر من المصادر الأساسية اللي بيعتمد عليها علماء المصريات في تحديد عمر فترات حكم الملوك اللي حكموا مصر قبل قبل عصر الأسرات.. اللي هما المفروض الملوك المعروفين لينا حاليا! وعددهم تقريبا حوالي 300 ملك متسجلين بدقة بالشهر واليوم! بس مش كل ده المذهل..
المذهل هو انه حسب كلام الأستاذ أحمد صالح مدير منطقة أسوان الأثرية بأقصى صعيد مصر ف بردية تورين بتوضح ان في تاريخ مفقود لمصر بيوصل لحوالي 33 ألف سنة قبل الميلاد!
حسب البردية فالتاريخ المصري القديم متقسم ل 3 أقسام.. أول فترة كانت فترة حكم الآلهة.. واللي انتهت بتسليم حورس اللي هو آخر إله فيهم الحكم للبشر.. ومن هنا بتبدأ الفترة التانية اللي حكم فيها مصر بشړ من أتباع حورس بيسميهم علماء المصريات باسم شمسو حر أو أتباع حورس.. ودول المفروض حسب المسجل في بردية تورين وحسب آراء بعض علماء الآثار اللي منهم أحمد صالح بتمتد فترة حكمهم لحوالي 13420 سنة تقريبا! والفترة دي المفروض هي اللي تم فيها بناء الأهرامات وأبو الهول والمعابد والمسلات الأثرية الضخمة المذهلة اللي يستحيل بناءها بالدقة دي في العصر الحالي!
وبعد الفترة دي ما بتنتهي بتيجي فترة عصر الأسرات المعروف لينا حاليا في كتب التاريخ اللي بتتدرس في المدارس اللي هي بدأت مع توحيد المليك نارمر لشمال وجنوب مصر في مملكة واحدة وبتنتهي مع سقوط البطالمة!
أيوه.. زي ما انت قريت بالظبط.. تاريخ مصر القديم حسب بردية تورين ممكن يكون بيمتد لحوالي 33 ألف سنة كاملين قبل الميلاد!! وعلماء الآثار عارفين ده وبيتجاهلوه عشان حسب كلام الجزء الأكبر منهم مفيش أدلة أثرية أو أركيولوجية تدعم الكلام المكتوب في البردية دي! فبالتالي هو مش صحيح!
هل انت شايف ده كلام معقول أو يتصدق!
وبعدين يا ترى أيه سبب عدم وجود الآثار دي! وليه الآثار المصرية القديمة الضخمة معظمها باين عليها علامات ټدمير وتكسير ضخمة أكبر من انه يتم تفسيرها بإنها ناتجة عن الاحتلالات المتتالية من الفرس والرومان وغيرهم! هل ده بسبب الاحتلال فعلا ولا بسبب التصادم الكوني الرهيب اللي حصل من 12 ألف سنة ده واللي أدى لدمار معظم صور الحضارة على الكوكب!
ليه زمان كنا بنقدر نبني أهرامات ومسلات ومعابد بالدقة والعظمة دي وبعدين فجأة العلوم والمعرفة دي انتهت ومبقتش موجودة وما اتسجلتش في الكتب والمراجع كانها محصلتش ومكانتش موجودة! وأيه سبب إصرار علماء المصريات على تجاهل الأزمنة المذكورة في بردية تورين وتكذيبها!
كل ده وأكتر هنتكلم عنه في الجزء الجاي من السلسلة دي بإذن الله واللي هيناقش مواضيع أغرب من كل ده كمان.. بس لحد وقتها أنا مش عايزك تاخد المعلومات اللي بتقرأها هنا وتؤمن بيها بدون ما تبحث بنفسك.. دور ورايا واقرا وشوف أيه المستخبي واللي انت متعرفوش ومحدش بيحكيهولك عن تاريخ وحضارة بلدك المفقود وهتعرف بنفسك قد أيه احنا دلوقتي في القرن الواحد والعشرين منعرفش أي حاجة عن اللي كان موجود على أرضنا زمان!
هتلاقي بعض المصادر اللي استعملتها في المقال ده تحت هنا أهي ممكن تشوفها بنفسك وتدور فيها على كل الأدلة وبردية تورين موجودة حاليا في المتحف المصري في إيطاليا لو حابب تزورها.. واستنى المقال الجاي في السلسة بإذن الله..