رواية ابنة بائعة الجبن كاملة الفصول

حته من بكر كانت فحشا مليكه 
ومع بروز كل جزء منها وطلوعه برا بطن مليكه بكر كان قلبه يرفرف بقوة كيف عصفور عيتعلم الطيران جديد
وبعداكتمال طلوعها طلعت معاها روح بكر من جسمه وحضنتها 
ومع سماعه لصوت بكاها انشرح صدره وبص لمليكه وضحك بفرحه وميل عليها وهمسلها بتنا جات على الدنيا بسلام يامليكه 
حته من روحي وروحك اتحدوا واتجسدوا في لحم وم. 
مليكه رفعت دماغها وبكر سندهالها بيده وبصت لبتها اللي كان الداكتور عيقطلعها الحبل السرى وضحكت وبصت لبكر بعيون مرقرق الدمع فيها ومش مصدقه روحها من الفرحه وهمستله بعدم تصديق بتي يابكر اني بقيت ام!!

بكر وهو عيميل عليها ويبوس جبينها همسلها احلى ام في الدنيا قالها وانتبه للدكتور اللي كان عيدي اوامر للممرضه انها تطلع بالبنت للحضانه بسرعه عشان يفحصوها ويشوفوها لو عندها مشاكل ومليكه سمعت اكده وبصتله بقلق وهمستله اشوفها لاول قبل ماتاخدوها على اي موطرح 
شاور الدكتور بعنيه للممرضه بالموافقه وهي اتقدمت من مليكه وحطتهالها علي صډرها ومليكه باستها بحنان وخدت نفس منها وبعدت عنها واتملت فوشها وبعدها مدتها للممرضه وبصت لبكر وقالتله روح معاها يابكر متهملهاش..
بكر واهملك انتي يعني
مليكه اني زينه الدكتور هيقفل الچرح وخلاص لكن بتي معارفهاش زينه ولا له روح يابكر واطمن وطمني عليها وبعدين بص لحالها شوف صغيره كيف ياعمري! ..
بكر هزلها دماغه بموافقه وسابها وطلع مع بته للحضانه لكن بعد مانبه علي الدكتور انه يخيط لمليكه خياطه سحريه بحيث انه ميكونش للچرح الا اثر خفيف ميبانش واكد عليه وقاله ميقفلش الچرح بالبلاستر والشاش غير لماهو بنفسه يعاودله ويشوفه  
والدكتور هزله دماغه بموافقه..
طلع بكر للحضانه وراحت تمره معاه وبته طول الطريق شايلاها الممرضه وعيونه محادياها خطوه بخطوه وحاسس انها شايله قلبه بين اديها
وصلوا الحضانه وتم الكشف علي البنت وطلع حجمها حلوا بالنسبه لمولوده في الشهر السابع وكل اجهزتها الحيويه تمام لكن لقيوا عندها نسبة صفرا هتضطرهم انهم يحطوها في الحضانه كام يوم
شالوا المفرش من عليها وحطوها في الصندوق القزاز وبكر وتمره باصين عليها من ورا القزاز ومبتسمين وهما شايفينها قد ايه صغيره كد كف اليد 
لكن رغم ديه صوت بكاها كان مزلزل الحضانه كلها ومن أول ما دكتور الحضانه شال الغطى الملفوفه بيه وهي ماسكتتش كأنه ضړبها او عملها حاجه تزعلها..
تمره بتعجب يامرى علي حسك يابت اخوي طالع منين ياحزني الحس ديه كله بتك طالعه حلبيه يابكر!! 
بكر ابتسامته عرضت وهو باصص لبته ورد على تمره بت مليكه عايزاها تطلع ايه يعني غير حلبيه قالها وضحك بفرحه وهو واعي بته عتحرك اديها ورجليها پغضب وتحرك دماغها زي ماتكون مش موافقه ولا راضيه بالقطن اللي حطوه على عنيها ولا راضيه بالمكان اللي هي فيه اصلا.. 
تمره همست وهي عترد علي كلام بكر بصوت مسموع وبتك انت كمان ياحظي وهو يعني انت بتك هتطلع سفيرة نوايا حسنه!!
بكر سمعها وبصلها وضړبها علي دماغها من ورا بهزار وهو عيقولها 
اتلمي اني اخوكي عيب تذمي فيا وخصوصا قدام بتي اكده هتشوهي صورتي قدامها من اهنه ورايح مفيش تعامل معاي غير بكل احترام ليا قدام بتي احسن نفسيتها تتعب علي ابوها وتتأثر
ودلوك يلا هنزلوا عشان اشوف مليكه واطمن عليها واسيبكم واروح اجيب تليفوني واكلم ابوي وامي وابشرهم واطمنهم واجيب غطا وكام حاجه اكده لزوم البيات فالمستشفي. 
تمره ماشي بس اوبقا هات تلافوني معاك وانت جاى والشاحن بتاعي عشان اتسلي فيه واني قاعده ومتنساش وانت راجع تجيب فرخه لمليكه تتقوت بيها لما يسمحولها بالوكل..
بكر حاضر مهنساش بأذن الله خلصو كلامهم وهما ماشيين لغاية ماوصلوا قدام اوضة العمليات 
وتمره استنت وبكر دخل الاوضه من غير استئذان وفي ثواني بقى فوق راس مليكه وهي اول ماشافته بصتله بتساؤل وهو همسلها
زينه يامليكه وكيف القړده محدش عارف يسكتها عسكرت الحضانه طالعه لامها هههههه 
مليكه غمضت عنيها بتعب وهي عتحمد ربها وتشكر فضله عشان اداهم تعبهم هي وبكر 
وحتي هو عمل زيها وحمد ربه وبص بعدها للدكتور يشوفه عيعمل ايه. وكان الدكتور عيخيط في اخر حته في الچرح بتاعها 
بص عليه بكر وشاف انه خيط الچرح بطريقه تجميليه وعمل زي مابكر وصاه وابدع في تجميل الچرح..
وبكر ابتسمله برضى وابتدا يساعده في شد البلاستر على الچرح
وبعدها الدكتور طلع ودكتور التخدير كمان ومفضلش فالاوضه غير بكر ومليكه وعامله كانت عتمسح الارض وممرضه كانت عتشيل فأدوات العمليه
بكر شال مليكه وحطها علي الترولي وغطاها وطلع بيها بعد ماراضي العامله وحتي الممرضه اداها حلاوة بت بكر الغاليه..
راح بيها على الاوضه اللي ودته ليها العامله ودخل مليكه وشالها بشويش نومها علي السړير وحب جبينها واطمن عليها وساب معاها تمره وروح يجيب اللي قال عليه..
وصل الشقه وطلع بسرعه وابتدا يجيب الحاجات اللي محتاجينها
وكان هينزل لما كمل كل حاجه لكنه وقف وهو حاسس انه نسي حاجه
وابتدا يسال روحه بحيره ياتري ناس ايه ياتري ناسي ايه وضړپ جبينه بكف ايده عشان يفتكر وبالفعل افتكر وكان تليفون تمره.. 
راح على اوضتها ودخل بص يمين وشمال وشاف التليفون علي السړير دخل خده وحطه فجيبه وطلع وخد كل الحاجه ونزل علي المستشفي.. 
وهو في الطريق طلع تليفونه عشان يرن على ابوه ويبلغه بأن مليكه ولدت
لكنه اتراجع لما بص فالساعه ولقاها داخله على اتنين وقال تلاقيه نايم دلوك بلاش يقلقه
لكن اللي ممكن هيلاقيه صاحي فوكت زي ديه تميم فتح تليفونه وطلع رقمه ورن عليه لكنه اتفاجأ ان تليفونه خلص منيه الرصيد.. 
رجعه تاني لجيبه وطلع تليفون تمره يعمل منه المكالمه
فتحه وبص قدامه علي الطريق ولساه هيدخل علي المكالمات لكنه وقف وهو شايف صورة منعم متصدره الشاشه وعرف انها من فيديوا السبوع زفر وقفل التليفون تاني ورماه جاره علي الكرسي بديق وبقاها من اي اتصالات وكمل طريقه لغاية المستشفي..
خد الحاجه من العربيه ونزل وراح بيها علي اوضة مليكه وادي الحاجات لتمره وخلي تليفونها للآخر ولما جه يديهولها تعمد انه يديهولها مفتوح وصورة منعم على الشاشه..
تمره لما مدلها بكر التليفون وشافت صورة منعم چسمها انتفض وحست قلبها هيفط من بين ضلوعها و بصت للأرض بحرج وخجل من بكر وهي مش عارفه هتقوله ايه لكن اللي قاله بكر فاجأها وخصوصا انه قاله بنبره هاديه تمره استغربتها..
بكر بعتب برضك اكده بت الشيخ واخت الشيخ تفتح مجال لابليس عشان يصيبها بسهام النظره الحرام ياتمره
تمره بلجلجه سسامحني ياخوى انا مكنتش اقصد ان أآاا.. 
بكر قاطعها وهو عيقولها عارف ياتمره انه ڠصب عنك وانه حكم سلطان 
لكن مش كل الاحكام تنفع تتطبق على كل الناس يابت الشيخ حكيم
انتي غير الكل ولو الغلط عرف طريقه للكل المفروض يجي لحدك انتي ويوقف عشان متضيعيش تعب ابوكي عليكي وعلى ربايتك اللي غير ربايه كل البنات
ولا سنين عمره اللي فضل يعدك ويعدنا فيها لمحاربة شياطينا ومدنا بالعده والعتاد من قرأءنا وسنة حبيبنا وحط حوالينا سور من مخافة الله..
تمره من كتر مالموقف كان لا تحسد عليه حست روحها مخنوقه وعايزه تبكي وتصحح الصوره اللي خدها عنها اخوها بكر