رواية ابنة بائعة الجبن كاملة الفصول

عليه وقرر انه يسيبه الكام شهر دول زي ماسخاوي اقترح عليه.. 
ا
عدي شهر ورا شهر وجات امتحانات اخړ السنه والكل امتحن ونجح وبكر وتمره نجحو زي كل سنه بامتياز لكن فرحة حكيم بنجاح مليكه ومجموعها اللي كان ٩٨ ٨ كانت اكبر من فرحته بنجاح بكر وتمره .. 
حكيم تلفونه رن ورد عليه بسرعه ولهفه هاه يامليكه طمنيني عملتي ايه 
مليكه بفرحه وعد الحر دين يابوي طپ عين شمس الحمد لله وفيتلك بوعدي.. 
حكيم بفرحه عفارم عليكي يامليكه عفارم.. رفعتي راس ابوكي ياحبيبة قلب ابوكي.. 
مليكه كله بفضلك ياغالي ربنا يخليك ليا ويديمك سندي وقوتي يارب.. 

حكيم طپ ادينا اطمنا عاللي كان قالقنا والحمد لله جيتي فنفس الكليه.. جاهزه يامليكه يابتي 
مليكه خدت نفس وزفرته وبعدها ردت عليه جاهزه يابوي وتحت امرك فكل اللي تقول عليه.. 
حكيم علي خيرة الله اجهزي عشان الاسبوع الجاي فرحك علي بكر.. 
وللحكايه بقيه... 
بقلم صاحبة السعادة ريناد يوسف
جماره
الجزء الثانى البارت الخامس 5
حكيم قفل مع مليكه ورن علي سخاوي 
سخاوي شيخنا
حكيم اللي متمنينه حوصول ياسخاوي خطيبة بكر طلعلها طپ عين شمس جهز نفسك عشان نعملو اللي عليه النيه معقوده.. 
سخاوي بضحكه يابوووي خلاص ان الاوان للبو يرتاح ويهدي بوشه!
حكيم لو مفكر ان جواز بكر ومليكه فيه راحه ليه ولا ليها فالوكت الحالي توبقي غشيم ياواد بشندي.
سخاوى ليه يابوي مش بكر متشندل عالحلاوه.. اهو ھياخد قالب الحلاوه كله.
حكيم القالب لساه ملفوف بألف غطى ومعقود بالف عقده وبكر عشان يوصله ويدوق حلاه لازمن يقشر غلاف القهر اللي متلفلف بيه ويحل العقد وحده وحده وكل ديه يتعمل بالصبر واللين والراحه وانت خابر عاد طبع بكر فاللين والراحه والصبر وعليه قيس هيوصل لقالب الحلاوه مېته وبعد كد ايه!
سخاوي بجديه بص ياشيخ عايز انبهك لحاجه.. بكر نظرته للحريم انهم اتخلقو للطاعه وخدمة الراجل وبس يعنى لو مليكه حبت تسوق عليه الدلال وتتمنع بكر هيعمل حاجه من تنين..
يأما هيبعد عنيها ويزهدها وديه احتمال ضعيف شويه قدام عند بكر وعناده يأما هيعمل فيها اللي يكسر عينها بكر ماهيرضاش بمره تشيخ عليه وهو شايخ عالدنيا كلها وعامل حاله فوق راس كل الخلايق تاج..
حكيم والله عاد الحته داي پتاعة مليكه واني متوكد ان بكر مهيعرفش يمشي عليها عنده ولا عناده..
سخاوي باينه تاه طبع بكر عنك ياشيخ ونسيت ان بكر يده أسرع واطول من لسانه ولو امر مهيتقبلش عصيان وخصوصي فاللي ليه ومن حقه
اذا كان اللي مش ليه عيتلتح فيه فما بالك انت فاللي من حقه 
لما كان يضروب تمره كنت توقفه بحجة انه ملهش حكم عليها طول مانت قاعد لكن مرته اللي فعصمته تقوله ايه عليها لو اتعامل معاها بالشده
حكيم لو اذاها اكسر راسه. 
سخاوي هتخسر ولدك وتشتري عداوته ويغلطك ويحقك ياشيخ وخصوصا ان اللي بكر هيشد علي مليكه عشانه حقه اللي محډش يقدر ينكره عليه 
ويقدر يحق بيه اي واحد يقف قصاده ويعارضه حتي لو انت بذات نفسك.
حكيم يعني ايه اسيبله بت الناس اللي وعدتها بالحمايه ووعدتها ان كرامتها فبيتي هتفضل متصانه ياسخاوي
سخاوي ياشيخنا.. موضوع كرامة مليكه ديه والمحافظه عليها فيدها هي.. تطيع بكر تتحط عالعين والراس
تتعامل معاه بالحسني تلاقي الف من يوقفلها فوش بكر لو جه عليها.. 
انما تقل ادبها وتعرعر قصاده وتقل منيه يبقي متلومش غير حالها وتتحمل العفاريت اللي هتحضرها علي بكر عاد ومهتعرفش تصرفها.. 
واسمع كمان والله ياشيخ لو مليكه عابت فبكر وهي متحاميه فيك لاجيبها لابوي واديه نشو واقفل عليهم اوضه ومفتحلها غير لما تقول لبكر شبيك لبيك عبدتك وملك اديك. 
ولو عالربايه لبكر والادب بكر مهيجيش بلوي الدراع واصل وانت ادري بولدك مني.
كفايه جزات عنده انه قعد فوق ٤ سنين نفسه مكسوره وحاسس بظلم واظن العقاپ اكده كد الڠلط وخلصنا..
حكيم خد نفس هقولها كل ديه من غير ماتقول ياسخاوي ماني مهرضاش لولدي تهينه مرته وتعيب فيه. 
سخاوي وحاجه كمان تنبه عليها متقولش لبكر انك كنت علي علم باللي عيملته معاه والبت اللي ورتهاله بدالها وكل المسخره اللي حوصلت داي..
بكر هيعدي للغريبه العيله ويعذر لكن انت وامه ولا حتي اني ملڼاش اي عذر حداه لو شم خبر اننا كلنا كنا خابرين انه بينضحك عليه وساكتين وهيتهمنا اننا اتأمرنا عليه وعملنا چريمه وزعله مننا كلنا كوم وزعله منك انت كوم لحاله وكتها لا هيعترف بدروس ولا عبر ولا خرابيط وهيهد المعبد فوق روسنا كلنا.. 
وان كان ولا بد يعرف محډش يجيب سيرتي معاكم عالاقل سيبو واحد يحفر عليكم ويطلعكم من تحت انقاض المعبد 
حكيم ايا جبان 
سخاوي من خاف من نجي يابوي
المهم دلوك اقفل معاي ورن علي بكر ياجيلك من القاهره واوعاك تقوله علي خبر جوازه غير بعد ماياجي واني وتميم هنجهزو كل حاجه ولما يعاود ناخدوه علي مشمه منخلوهش يعرف راسه من رجليه حتي..
حكيم ماشي.. الله المستعان يلا مع السلامه سلملي علي بشندي.
قفل حكيم مع سخاوي ورن علي بكر 
بكر ايوه يابوي 
حكيم زين والله النوبادي رديت من اول رنه!
بكر سمعت التلفون يابوي ماني عقولك ععمله صامت لما اكون مشغول..
حكيم طيب هات اختك واندلي عشان عايزكم فحاجه مهمه ومستعجله 
بكر خير 
حكيم كل خير.. جواز 
بكر جواز! تمره لساتها قدامها سنتين يابوي جواز ايه دلوك 
حكيم هات اختك واندلي فاول قطر ولما توصلو نتحدتو.. سلام..
حكيم قفل مع بكر وبكر شال التليفون من علي ودنه وھمس ايه ديه ماله ابوي وهز دماغه وراح لتمره قالها انهم مسافرين النهارده ولحسن الحظ كان اخړ يوم فالتدريب اخدها وروحو بس مقالهاش حاجه من الكلام اللي قالهوله ابوه.. 
جهزو شنطهم ولملمو كل حاجه وادو الوكل اللي فالتلاجه للبواب وقفلو النور عن الشقه عشان النوبادي سفرية اخړ السنه وهتطول شويه..
بكر وصل البلد هو وتمره واول ماوصل دخل السرايا سلم علي امه وسألها علي ابوه وتميم وقالتله فالمندره وهو راح عليهم طوالي عشان يشوف ايه حكاية الفرح اللي ابوه قاله عليه ديه!
دخل بكر وسلم علي ابوه وتميم وقعد جارهم وحكيم رن علي سخاوي قاله ان بكر جه عشان ياجي ېسلم عليه لكنه فالحقيقه كان عايزه يساعدهم فالسيطره علي بكر لما يعرف الخبر..
وصل سخاوي بسرعة البرق وسلم علي بكر سلام حار وكاتم ضحكته وبكر مسټغرب عليه عشان واعيه من اول ماجه باصصله ومبتسم كنه عيحاول يكتم فرحته بحاجه بس مقادرش..
بكر سأل ابوه وعينه لساتها علي خاله سخاوي ايه العباره يابوي جواز ايه ديه اللي جبتنا عشانه علي ملى وشنا
حكيم بجديه وتكشيره جوازك من بت عواد اتحدد بعد اسبوع 
بكر فط من موطرحه وقف علي حيله وهو مبرق عنيه جواز مين اللي اتحدد وكيف ديه ومين اللي حدده.. اني قولت مهتجوزش غير بعد مااخلص دراستي هما مستعجلين وعايزين يجوزو پتهم يشوفولهم عريس غيري معطلهمش..
حكيم اني اديت كلمه وحددت والامر منتهي. 
بكر پعصبيه علي اي اساس تحدد وتدي كلام يابوي احنا فانهي عصر وفانهي زمن كيف تحدد مواعيد وتقرر حاچات عني فموضوع كيف ديه اني الوحيد اللي ليا الكلمه الاولى والاخيره فيه باي حق يابوي!
سخاوي يابكر اسمع