رواية غنوة الزين (كاملة) بقلم ندي زايد

أمال عاوزة تتجوزي وانتي متخرشمة كدا هندخل الفستان فيكي ازاي 
ابتسمت غنوة بهدوء 
فرحان يعني 
_ أنا برده دا انتي اللي الفرحة هتنط من عنيكي أول ماقلت هنأجل لتكوني وقعتي نفسك قاصدة يابت 
والله دا انت معندكش ډم يعني هوقع نفسي عشان متجوزكش طب مكنت قټلت نفسي بالمرة ... يارب أنا طلبت منك تساعدني بس مش لدرجة أتكسح كدا يارب 
بصلها زين بحزن 
_ انتي بجد مش عاوزاني ياغنوة للدرجة دي 
بصتله غنوة بحزن وهي مش عارفة اي الاجابة علي سؤاله هي كانت جاية ورافضة كل دا بس دلوقتي هي حتي مش عارفة هي عاوزة اي بس انقذها من كل دا الباب بيتفتح وليلي بتدخل منه هي ونغم جري عليها 
عاملة اي ياغنوة يبنتي كدا تخضيني عليكي 
أنا كويسة يماما مټخافيش اهدي الحمد لله 
دخل علي وراهم قرب منها باسها وحضنها وطبطب علي ليلي 
كفاية عياط ياليلي بقي جيتي وشفتيها بنفسك اهو عاوزة تخوفيها يعني 
مسحت دموعها بهدوء 
أعمل اي بس قلبي كان واكلني عليها .. قوليلي ياغنوة موجوعة يحبيبتي حاسة بحاجة طمنيني  
مسكت غنوة ايديها وباستها
أنا كويسة يماما مټخافيش والله ..زين قالي ان الدكتور طمنه وانها شويه كسور بس وهرجع اتنطط تاني 
بصتلها نغم وهي بتمسح دموعها هي كمان 
خلاص يماما بقي سبيني اطمن عليها انا كمان اديني فرصة طيب 
باست غنوه بحب وحضنتها 
حمد الله علي سلامتك يحبيبتي خضتينا كلنا عليكي امك قلباها مناحة من امبارح زي منتي شايفة كدا 
ابتسمت غنوة وكلهم ضحكو بحب لحد ماسألها علي بجدية 
مين اللي عمل فيكي كدا يبنتي احكيلي 
بصتله غنوة باستغراب 
مين اي يابابا .. يعني حد هيطلع يوقعني مخصوص كل الحكاية اني اتزحلقت كنت مستعجله عاوزة اوري ماما الحاجات اللي جبتها بس ملحقتش بقي زي منتو شايفين كدا 
زين وعلي وليلي بصو لبعض واتنهدو بارتياح ... أو يمكن دا طمنهم انهم كانو قلقانين زيادة عن اللزوم ...نغم حست بالتوتر فحبت تهدي الدنيا فغيرت الموضوع 
_ محدش ناوي يطمن علي زين الراجل الغلبان اللي فضل سهران هنا طول الليل ومرضيش يروح أبدا 
قالت اخر كلمه وهي بتغمز لاختها ... بصت غنوة لزين وكانها بتشكره بعنيها وكل االي شاغلها ليه بيعمل كل دا عشانها معقول حبها في الفترة البسيطة دي ! .....
سابهم زين لوحدهم وخرج يطمن من الدكتور علي حالتها اللي قاله انها تقدر تخرج معاهم بس بعد ميعملو شويه اشعة وتحاليل يطمنو بيهم ولازملها راحة تامة ومش أقل من شهر عشان تقدر تفك الجبس وترجع تتحرك تاني .....
زين طلب كرسي مخصوص ليها واستنو معاها لحد مااطمنو عليها واتاكدو انها كويسة وخدوها معاهم وقرروا يرجعو البيت ... وقتها الكل كان في استقبالهم 
جدها أول ماشافها راح عليهم باسها من راسها 
حمد الله علي السلامة يبنتي انخلع جلبي عليكي 
معلش ياجدو حقك عليا أنا كويسة اطمن 
قربت جدتها وحضنتها والدموع في عنيها 
_ نورتي البيت يانور عيني علي عيني والله يبنتي اني مجتلكيش كنت هتجنن واشوفك واطمن 
الكل سلم علي غنوة واطمن عليها تحت نظرات صفاء اللي كلها حقد وشماته قربت وهي راسمه ابتسامه علي وشها 
حمد الله علي السلامة يامرات ولدي ابجي خلي بالك مش كل مرة هتعدي علي خير يبنتي
الكل كان بيبص لبعضه بسبب حنيتها المفاجأة وغنوة شدت نغم عليها وسالتها بهمس 
هي دي مرات عمك ولا أنا الخبطة أثرت عليا ولا اي
_ والله باينها هي ولا بدلوها ولا اي 
قربت صفاء من زين وطبطب عليه 
كيفك ياولدي ... اتوحشتك من امبارح وانت غايب عني 
نزل زين ايدها بهدوء من غير مايبصلها 
_ كويس ياما الحمد لله .... مروة جهزتي الوكل اللي جلتلك عليه لغنوة 
أيوة ياخوي وعملته بيدي كيف مطلبت تمام ..يارب وكلي يعجب غنوة بس 
ابتسمتلها غنوة بحب ..وقاطعتهم صفاء 
مالازم يعجبها دا انا بنتي أشطر واحدة في الدنيا مش خايبة زي باجي البنات  
مع اخر جملة كانت بتبص لليلي بابتسامة سخرية وساعتها همست غنوة لنفسها 
لا طلعت هي متبدلتش ولا حاجة 
سمعتها نغم وحاولت تداري ضحكها وهي بتقول 
يابابا هنطلع غنوة السلالم دي كلها ازاي 
والله يبنتي هنحاول و ...
قاطعهم زين ومسمحلهمش حتي يفكرو 
_ بعد اذنك يعمي غنوة مش هتطلع فوج ..غنوة هتفضل معايا معاتفرجش عيني واصل 
سالته صفاء باستغراب 
معاك كيفك يعني اټجننت اياك 
_ لا متجننتش مرتي وعاوزها معايا اظن حجي 
أيوة يازين بس غنوة لسه مبجتش مرتك عشان ..
_ لا مرتي ياعمي جدام ربنا وجدامكو وجدام الناس كلها هي مرتي علي سنة الله ورسوله ومحدش يحجله ياخد باله منها ويراعيها غيري أنا وبعد اذنكو عشان مرتي محتاجة ترتاح 
مسمحش لحد يعترض ولا فرصة لحد يتكلم بدا يحرك كرسي غنوة تحت نظراتها ليه وهي بتحاول تستوعب اللي يقصده وتحت نظرات اللي بصالهم بكره وډخلها اوضته بهدوء وقفل الباب وراهم
_ نورتي اوضتك ياعروسة 
أوضة اي انت اكيد بتهزر ... وسع كدا وطلعني من هنا 
_ مش هتطلعي من هنا غير اما تخفي واطمن عليكي ساعتها روحي مكان متحبي 
زين ميصحش اللي بتعمله دا هفضل معاك في اوضتك ولوحدنا ازاي يعني 
ابتسم زين لسذاجتها
_ زي مااي راجل بيفضل مع مراته ولا بقو يعيشو في بيوت بعيدة عن بعض وانا معرفش 
لا بس احنا فرحنا متعملش ولسه بدري علي مادا يحصل ف..
قاطعها زين وهو بيقرب منها بهدوء وبنظرات وترتها خلتها متعرفش تكمل كلامها 
احنا مكتوب كتابنا يعني انت مراتي ودا اللي انت محتاجة تستوعبيه وبعدين مټخافيش اوي كدا دا انتي حتي متربطة هعملك اي يعني 
غمزلها مع اخر كلمة ليه خلاها اتكسفت وبصت للارض بكسوف 
_ انت قليل الادب علفكرة 
عارف علفكرة 
قرب منها وشالها من علي الكرسي
_ انت بتعمل اي 
هعمل اي يعني هحطك في سريرك ترتاحي شوية علي مااجبلك الاكل عشان تاخدي علاجك 
خرج وسابها وهي بتبصله وكل اللي شاغلها احساسها اللي مش فهماه ناحيته بس كل اللي متاكدة منه ان وجوده مبقاش مضايقها ابدا ..........
خرج زين لمروة يجيب الاكل ليها وقفه علي ومسكه من ايده 
ممكن أفهم اي اللي انت عملته دا 
_ عملت اي ياعمي 
مين سمحلك تاخد بنتي اوضتك كدا من غير حتي متستاذن مني ولا تفهمني 
_ بنتك تبقي مراتي يعمي ولا نسيت 
بس دا وضع مؤقت ولا نسيت 
بصله زين بحزن 
_ لا منستش يعمي بس برده لحد مالوقت دا يخلص انا مش هطمن عليها غير وهي قدام عيني وانا قلتلك قبل كدا مفيش حاجة هتحصل غير برغبة غنوة مهما كانت رغبتها دي ... ومتقلقش ياعمي أنا تربية