رواية أسرار الغرف

عن قبل ماتنزل كانت زعلانه ومتضايقه اوى.
استنيتها تدخل غرفتها وراقبت الجو كويس واتأكدت ان محدش شايفنى عشان اقدر اتصنت عليها بحريه.
فضلت واقفه 5 دقايق من غير اى كلام اسمعه ولما قررت امشي سمعت موبايلها بيرن رجعت وقفت وانا متحمسه جدآ للكلام اللى ممكن اسمعه.
كانت بتزعق للمتصل كانت بتقوله انت متفرقش اى حاجه عنه عملت فيها بطل وشهم ووهمتنى انك هتحمينى منه عشان اتفاجئ انك بتفكر زيه بالظبط وكإنى سلعه رخيصه قدامكم وجودى فى بلد غير بلدى مش معناه انى متاحه ليك ولغيرك انا جيت هنا عشان شغل بس وحتى الشغل ده مش هعمله وهرجع بكرة بلدى.

سكتت شويه وكإنها بتسمع وبعد كده ردت وقالت إخسر قد ما تخسر لو بتحترم شغلك وخاېف على فلوسك ماكنتش هتتجرأ عليا كده النهارده انا عارفه ان كل الناس حجزوا وان عدد الناس ازيد كمان من المتاح عندك وكنت ناوى تتصرف بمقاعد زياده بأى شكل او تغير المكان بس اللى انت عملته معايا النهارده تستحق عليه عقاپ شديد زى ده.
سكتت كمان مرة وبعدها قالت مفيش بيننا تفاهم تانى ابدآ مش عايزة اشوف وشك انت فاهم
وبعدها سمعتها پتنهار من العياط فعرفت انها قفلت المكالمه رجعت غرفتى ونمت.
والصبح لقوها مطعونه فى قلبها وبطنها 4 طعنات
ايه رأيكم وتفتكروا مين القاټل 
على فكرة ده مش آخر سر من سلسلة الأسرار...
خليكم معايا للآخر عشان نحل الأسرار دى مع بعض
الفصل التالت
مر سنه من غير أحداث جديده مهمه في ناس ماكنتش بقدر اعرف عنهم اى حاجه بيجوا ويمشوا من غير ماكتشف أى سر ليهم وفى ناس أسرارهم تافهه جدآ.
لحد ماجه دكتور بشړي راجل رقيق جدآ فى تعامله مع كل الناس هادى وفى حاله جدآ.
عجبنى بشكل مش هتقدروا تتخيلوه كنت بزود الاوقات اللى اقدر اتصنت فيها على باب غرفته كان نفسي اعرف عنه كل حاجه فى حياته بس واضح انه شخص كتوم ومالوش معارف.
بس فى النهايه لازم يجى اتصال يكشفلى سر وانا بعد كده بحدد اذا كان سر مهم ولا مالوش لازمه.
من مكالمته اللى استقبلها. اكتشفت انه كان بيعمل عمليه لواحد وبسبب خطأ منه الراجل ده ماټ وعشان كده نفسية الدكتور تعبت جدآ وطول الوقت حاطط فى باله انه هو اللى قټله المستشفى كتمت على الموضوع ده وفهموا اهل المتوفى ان الۏفاة حصلت بشكل طبيعى ومبينوش ابدآ ان الدكتور هو السبب فيها.
ماقدرش يستمر فى شغله ولا فى بيته وقرر يبعد شويه او يمكن ميرجعش تانى لإن كل مكان هناك بيفكروا باللى حصل واللى ماكانش اول مرة يحصل !!
عرفت بعد كده انه جاتله واحده ست طلبت منه يجهضلها البيبي اللى فى بطنها لإنها پتكره جوزها ومش عايزة تخلف منه وكمان خبر زى كده هيفرحه اوى وهى عندها استعداد ټموت ومتشوفوش فرحان...
هو حاول يفهمها كتير انه دكتور جراح مالوش دعوة بالنسا والتوليد وحاجه زى دى بالنسبه له صعب يعملها ده غير انها حرام بس فى الآخر ضعف قدام الفلوس.
وبالفعل اجهض الست ولكنه تسبب فى انها تعيش طول عمرها عقيم عمرها ماهتقدر تخلف تانى وبرضو المستشفى كتمت على الموضوع.
بس فى ليله من لياليه فى الفندق جاله اتصال من دكتور فى المستشفى اللى كان بيشتغل فيها وهو اكبر عدو ليه وقاله انه بلغ اهل الراجل بان الوفاه حصلت بسبب خطأ منه وفى طريقه لإنه يبلغ جوز الست اللى عملها اجهاض وتسبب فى انها متقدرش تخلف ابدآ.
هو فى الاول انفعل جدآ على الدكتور بس بعد ماقفل ابتسم بسعاده لإنه بعيد ومحدش يعرف هو فين ولا مكان الفندق حتى نام وهو حاسس بإطمئنان وراحه..
بس الصبح لقيناه مقيد من ايده وبوقه عليه بلاستر ومتعذب بقطع متفرق على انحاء جسمه وشرايينه مقطوعه !!