قصة العائدون من جهنم بقلم الكاتب حسن الشرقاوي

أنا إسمي شهد عندي 23سنه من صعيد مصر انتقلنا للعيش في مصر في منطقه شعبيه بعد ما اتنقل أبويا للعمل في القاهره لأنه كان موظف عائلتي بتتكون من خمس بنات وولد
أنا وأخويا أكبرهم
كنا عايشين والحمد لله عيشه إلى حد ما كويسه بوجود بابا إلى كان بيعولنا وبيشتغل شغلانه تانيه جمب الوظيفه علشان متطلبتنا إلى كانت بتزيد بسبب عددنا الكبير

وكان أخويا كمان بيساعد معاه فكانت الدنيا بتسير بشكل طبيعي
كنت بدرس في الجامعه وفي الوقت داا ما كنتش بشتغل عمري ما اشتغلت لرفض أبويا للأمر دا
لما كنت بطلب منه إني أساعد معاه لكنه كان بيرفض ويقولي....أنا طول منا عايش عمري ما هاهينك يابنتي 
لحد ما الوضع اتبدل واتبدلت معاه حياتنا واستقرارنا العائلي
بمۏت أبويا الله يرحمه
ماټ وسابنا لوحدنا اخواتي البنات كانت أكبر واحده فيهم في أولي اعدادي
أما وضعنا المادي مابقاش زي ماكان بابا عايش
طلعلنا معاش بسيط من الوظيفه إلى كان بيعمل فيها
لكنه ماكانش مقضي مصاريفنا وإلى زود الأمر سؤ تعب أمي إلى تعبت بعد ۏفاة أبويا
وعلاجها كان بيصرف كتير اوووي
وبعد فتره وعدم قدرتنا على التحمل قرر أخويا إلى كان بيساعد معانا وحيطه بنتسند عليها كلنا بعد مۏت أبويا قرر يسافر خارج مصر
...ياااشهد أنا هسافر برا
....لييه بس يامحمد ماتخليك معانا ونبي ماتسبناش لوحدنا
.... أنا لازم أسافر يا شهد إنتي مش شايفه الوضع عامل ازاااي أنا جايالي سفريه حلوه وهابعتلك فلوس تكملى تعليمك وتصرفي على اخواتك وأمك
وبعد توسلات مني أنه مايسبناش وإني هاشتغل معاه ونفضل مع بعض علشان اخواتنا
رفض وكمان رفض إني اشتغل وأنه هيسافر
وبالفعل سافر وسابنا
وأول شهر بعت لينا فلوس ولمدة ست شهور كان بيبعت والدنيا كانت تمام
لكن بعد الست شهور في الشهر السابع مامبعتش زي عادته
وبعدها مر شهر والتاني والتالت انقطع ارساله لينا فلوس وانقطعت اخباره عننا نهائيا
حاولنا كتييير نسأل عنه ورحنا السفاره وعملنا كل حاجه لكن بدووون جدوي
زاد تعب أمي بعد انقطاع اخباره عننا
ووضعنا ازداد سؤ لدرجة إننا في يوم مابقاش في بيتنا ولاجنيه بعد مابعنا كل حااااجه لحد مانمنا على البلاط علشان ناكل
ماكنتش بروح الجامعه لحد ما انفصلت
لحد ماجتلى أختي إلى في الاعدادي
...شهد المدرسه عاوزه المصاريف والمدير قالي لو ماجبتهومش ماتجيش تاااني المدرسه وهايفصلوني
في الوقت دا حسيت بالعجز وقلت لاااا مستحيل أفضل ساكته واسيب أخواتي كدااااا
ونزلت لأول مره ادور على شغل ماكنش عندي خبره لأني عمري ما اشتغلت
وكمان كنت موسوسه كل لما اروح مكان وخلاص هاشتغل بشوف في عيون صاحبه نظرات مش كويسه ليا اسيبه وامشي
تعبت من اللف طووول النهااار من اللف والمشي ماكنش معايا حتى فلوس اركب 
لحد مازهقت وقلت اروح وتاني يوم ادور
وأنا ماشيه في الطريق لقيت واحده راكبه تاكسي وبتنادي عليا ببص لقيتها بنت من عندنا من المنطقه جارتنا اسمها