قصة سامحينى يا امي
المحتويات
بيخيط رجله
_بس خلاص يا حبيبي خلصنا
_ايه اللي حصل يا دكتور
_جرح في الساق واخد ٧ غرز..
_طب هو پيصرخ ليه..هو مفيش بنج
_مفيش أزاي..لا فيه..بس نسبة قليلة..
_عيل زي دا هيتحمل ٧ غرز أزاي من غير بنج بس
يا ضنايا يا بني
_ما قولتلك يا ستي في بنج بس نسبة قليلة
الامكانيات هنا ضعيفه..دي مستشفى حكومي
مش خاصه... وبعدها كتب له على علاج وراحه تامة
_امري لله
شالت امي أخويا على كتفها وطلعنا بيه على أقرب صيدلية
جاب الصيدلي العلاج وأمي بصت في سعر الروشت
وقالت مش معايا إلا ٦٠ جنيه
_ناقص ٥٠ يا مدام..العلاج ب ١١٠
طلعت الباقي من جيبي ومديته للصيدلي
امي بصت وقالت
_جبت الفلوس دي منين يا حسام
_من شغلي يا ماما..انا كملت اسبوع عند عم عبده
بص لي الصيدلي بأستغراب وهو بياخد الفلوس
وبيديني العلاج
رجعنا البيت وأمي حطت مصطفى في سريرة
وانا نزلت
_رايح على فين
_ربع ساعه وجاي مش هتأخر..سلام
رجعت من برة وأنا شايل فرخه وأكياس خضار
فيها طماطم وبطاطس
_ايه دا يا حسام
_مصطفى ڼزف كتير ولازم يتغذى يا ماما
اول مرة من وقت ۏفاة بابا أشوف نظرة الفرح في عين ماما
_انا عارفه انك راجل وان اللي خلف ما ماتش
بس لو انا غالية عندك فعلا ترجع المدرسة
بعد مناقشات كتير رجعت المدرسة وأمي قررت
انها تبيع كشړي على عربية في الشارع
اعترضت في الاول وقالت أن دي فترة مؤقته
لحد ما اكبر وأخلص دراسة وأشيل عنها
فعلا ابتدت تجهز للموضوع واشترت العربية وبدات تبيع
الموضوع كان صعب في الاول والناس أستغربت
وكان ردها انها مش بتعمل حاجة عيب ولا حرام
كنا بنساعدها في تجهيز الكشري..بس ريم كانت مضايقه وحاسه بالكسوف من الموضوع دا..لكن مع الوقت أبتدت ترضى بالأمر الواقع
عدت سنه واتنين وبقيت في تالتة أعدادي
والامور كانت ماشية تمام..امي ربنا كرمها وبقى ليها زبون
والناس كلها بتشهد بنضافة الأكل وطعامته
كنت واقف مع أمي على عربية الكشري وبساعدها
لقيت فجأة بتوع البلدية هجموا مرة واحده والبياعين
واصحاب الفرش..كله ابتدا يجري ويلم حاجته
جم اتنين وشالوا العربية ورفعوها على عربية نص نقل
والأزاز اتكسر والكشري أدلق على الأرض
فضلت امي تصرخ وتتحسبن فيهم
لكن مفيش فايدة..شوفت نظرة القهر في عيونها
وهي مکسورة على حلمها ومصدر قوتنا وهو بيدمر
وبيضيع في ثانية
_هنعمل ايه دلوقت يا ماما
_هنروح القسم طبعا عشان نشوف حل للمصېبة دي
قبل الحاجة ما تتصادر
_طيب مش المفروض نشوف محامي الأول
_ايوه عندك حق.. تعالى نروح الأستاذ عاطف المحامي
وهو يقولنا نتصرف أزاي
روحنا للمحامي..اللي طلع معانا على القسم
وفضلنا هناك لحد الساعه عشرة..وبعدها خلصنا الموضوع
بعد ما دفعت امي غرامة واتعهدت انها مش هتقف تبيع تاني في المكان دا بدون ترخيص
أمي كانت زعلانه اوي بعد ما خرجنا
من القسم وقفنا قدامه شوية
والمحامي قالها
_مش عايزك تزعلي..كويس أن الظابط تعاطف معاكي
عشان بتربي في يتامى واقنعته يفرج عن العربية
اهو تبيعيها وتجيبلك قرشين
_انا مش عارفه اعمل ايه. انا شغاله بالحلال
وعايزة اربي ولادي..انا عمري ما أذيت حد والدنيا كلها جاية عليا
_لا متقوليش كدا..انا جنبك متقلقيش
حسيت في كلامه ونظراته لامي بطريقة مش مريحه
قولتله
_احنا متشكرين يا متر..على تعبك_معانا
_لا مفيش تعب انا معملتش حاجة
ماما قالت له
_ممكن أعرف اتعابك كام
_يا ستي ملوش لزوم..دا مفيش بين الخيرين حساب
_عموما كلها كام يوم اكون اتصرفت ولقيت بيعه للعربية
واجبلك الفلوس
مسك إيدها مره واحده وتظاهر انه بيسلم عليها وقال
مفيش مشكلة الموضوع مش مستاهل احنا مش غرب ولا أيه
ساعتها محسيتش بنفسي الا وانا بضړبة بحجر فوق دماغه
وقع على الأرض وهو غرقان في دمه..
أمي بصت لي وهي مش مصدقة اللي حصل !!
تم القبض علي على الفور..واتحجزت في القسم
المحامي دخل المستشفى..حصله أرتجاج في المخ
وقالوا أن دي جنحه
أتحكم عليا بسنة سجن.. والمحامي تم شطبة من نقابة المحامين بسبب اللي عمله واتحكم عليه بست شهور كمان
طبعا أمي كانت ھتموت من القهر عليا.. واضطرت
انها تشتغل خدامه في البيوت عشان تقدر تصرف على اخواتي.. ولما خلصت فترتي وخرجت من الإصلاحية
أشتغلت في ورشة الميكانيكا..وطلبت من أمي ترتاح في البيت وانا هتكفل بالمصاريف
عدت السنين وتعبت وشقيت واتمرمطت لحد ما بقيت صنايعي وقدرت أساعد امي وأخواتي في المدرسة
بقيت مش مخليهم ناقصهم
متابعة القراءة
