رواية صديق ماما وشيطاني بقلم عادل الصعيدي

مراد .دي مستنياني ازاي
_ مستنياكي زي الناس . يعني هديه ليكي مني . عشان بكره وبعده تروحي بيها الشغل الجديد
بصراحه انا مش عارفه اقولك اي. مش بعرف اسوق ومش معايا رخصه
وثانيا . لسه ملقتش شغل
بصلي هو وماما وفضل يضحك
وقال
بالنسبه للرخصة اعتبريها معاكي وكمان هعلمك السواقة في يومين . محلوله اهي
وكمان الشغل مبروك اتعينتي في الشركه اللي قدمتي فيها
بصتله باستغراب . ازاي بمنتهي السهوله يعمل اي حاجه هو عايزها وازاي انا اتعينت بالشركه بصتله وقلت ..
طب براحه عليا ممكن تفهمني ازاي اتعينت بشركه
هههههه بصي يا ستي الشركه اللي قدمتي فيها تبقي احدي شركاتي وكمان العربيه هديه من الشركه عشان تروحي بيها الشغل . اظن معندكش مانع والا اي ..
بصراحه اتكسفت ارد عليا وكمان فرحت اووي من جوايا اي الإنسان دي . عربيه وكمان اشتغلت بشركته يعني ببساطه كدا انا بقيت معايا عربيه وكمان شغل واكيد مرتب كبير مهو مراد صاحب ماما ومعرفتنا. ياااه انا بحلم بجد
اتمالكت اعصابي وغيرت من رسمة وشي وابتسمت قدامه وحاولت اتظاهر بالارتياح وشكرته
وطلعنا انا وماما عشان يوصلنا البيت وكمان في واحد اخد العربيه الجديده وخلاها عند العماره الا ساكنين فيها
تاني يوم الصبح
علي حدود الساعه 8 الصبح
مراد اتصل علي ماما وكان تحت وعايزيني عشان اتعلم سواقة العربيه
وبالفعل ماما كلمتني ولبست هدومي ونزلت عسان اعرف منه ازاي اسوق العربيه
اول حاجه ركب هو وفضل يشرحلي ازاي اتحرك بيها
وبعد كدا بدأت انا اسوق وهو جمب مني ويعلمني
لوقت حسيت إن مراد دي انسان من عادي وحنين وكمان هادي وشخصيته قويه
ومش عارف حسيت لوقت اني بغير من ماما لصدقاتها لمراد
وانا بتعلم السواقة وهو جمب مني حسيته بيتعمد ېلمس ايدي وكمان بيحاول يقرب جسمه مني
وانا بعمل نفسي مش واخده بالي وفجأه لقيته ...
تتبع.....
مراد وهو بيعلمني السواقة
فعلا كان بيتعمد ېلمس ايدي وكان نظراته ليا حستها نظرات من عاديه خالص
المهم فجأه لقيته بيقولي .
_ منار انا عايزك تبقي الموظفه رقم واحد بشركه فاهمه
بصتله وانا مستغربه وقلت !!!
ممكن توضحلي طيب ازاي رقم واحد
_ يعني تهتمي بشغلك وكمان اي حاجه تحصل بالشغل مع الموظفين او حد يقول عليا حاجه او ع الشركه تبلغيني
سكت شويه وبقول لنفسي هو هيشغلني عشان افتن ع الناس والااي مش فاهمه . عمتا اشتغل الأول ويبقلها حلال .
بصيت ناحيته وقلتله ..
_ متقلقش من حاجه انا هبذل جهدي وكمان هبلغك باي حاجه تحصل بشغل
بصلي بابتسامه كلها رقه وحلاوه
_ برافوا عليكي يا منار شكلك بداتي تفهميني كويس
انا بضحكه
_هههههههه لا متخفش انا ذكيه وبفهم بسرعه
طيب كويس . وطلما طلعتي ذكيه كدا . اي رايك اعزمك علي فنجان قهوه بكافيه قريب هنا .لو معندكش مانع
_ لا مفيش مانع طبعا. اتفضل
وقفت العربيه وتبادلنا الأماكن وهو اللي ساق العربيه بدالي
وصلنا الكافيه وطلبنا القهوه
وفضلنا نتكلم مع بعض
ومش عارفه حسيت مراد عايز يتكلم او جواه كلام كتير نفسه يقولوا ليا
بس مش عارف يطلعه او مش لاقي الفرصه
وانا كمان كان نفسي اووي اعرف منه نوع العلاقه اللي بينه وبين مامتي ..
لحظات وخلصنا القهوه ومراد خلاني اسوق العربيه وطلعت بيها وروحنا
ركنت عربيتي تحت العماره
وطلعت شقتنا ومراد اخد عربيته وراح شركته
دخلت الشقه وماما كانت مشيت راحت شغلها
دخلت اوضتي وطلعت علي سرير عشان اكمل نومي كنت منعنسه
ويدوبك رايحه احط راسي
رن تليفوني
مسكت التليفون ورديت وكان مراد ..
_ الو ايوه يا استاذ مراد معاك
هو انتي لحقتي تنامي بسرعه كدا
_ هههههههه هو باين عليا نايمه والا ايه
طبعا . نبرة صوتك كلها نعس.
المهم بكره تروحي الشركه وتستلمي شغل بلاش كسل
_ حاضر . مش هكسل الف شكر يا أبيه
وكمان ابيه ماشي . حلوه منه . يلا كملي نوم . باي
قفل السكه بسرعه وانا بصراحه النوم طار من عيني وفضلت افكر بشخصية مراد
لحد ما فقدت التركيز ونمت من غير ما ادري بنفسي ..
عدي ثلاث اسابيع من استلامي الشغل الجديد وفهمت واتعلمت النظام وكمان اخدت رخصه العربيه .
وبدأت علاقتي مع مراد تتطور من خلال مقابلتنا وكلامنا مع بعض .
وفي مره كنت داخله لمراد وكان مشغول في حد عنده
لفت انتباهي مكالمه بين السكرتيره وحد