رواية رنة خلخال كامله جميع الفصول

وهى بنتفخ شويه من شعرى مفاصلى سابت رجلى بقت مش شايلانى مسكت فى الرخامه جامد عشان مقعش شويه و سمعت بعدها صوت خطوتها بالخلخال وهى بتتحرك وتبعد بعد ما ډمرت اعصابى وقعت على الأرض بمجرد ما الصوت اختفى شهقت اخد نفسى بصوت عالى الدموع ڠرقت وشى بس انا مش هانهار تانى خصوصا وانا عارفه كويس هى بتعمل معايا كده ليه بعد اللى عملوا فيا عادل حسيت بالقهر وقلة الحيله بس فجأه رفعت راسى وقررت اخد قرار
لبست عبايتى ولقيت رجلى اخدتنى على بيت مصطفى صاحبه اللى أول ماشافنى اتخض وقالى
مالك يامريم عادل جراله حاجه 
رديت عليه بحرقه عادل كويس مفيهوش حاجه انا اللى هاتجنن واخش السريا الصفرا
بصلى بشفقه وقالى معلش يامريم انا سمعت من خالتى صفيه باللى بيعملوا عادل معاكى بس انت اكتر واحده عارفه عادل بيحبك اد ايه وان اللى بيعملوا دلوقتى معاكى هو مش دريان بيه
ساعتها انا اڼفجرت يعنى اعمل ايه اكتر من كدا انا اذليت واتهانت دا غير حرب الأعصاب اللى انا عايشه فيها مصطفى انت ابن خالى قبل ماتكون صاحبه انا عايزه اعرف كل حاجه منك
يعنى عايزه تعرفى ايه 
احكيلى كل حاجه تعرفها من أول مادخلتوا بيتها
ماشى يامريم انا هاحكيلك احنا اول مادخلنا بيتها كنا مرعوبين بس الفضول كان هايجننا بس مجرد مابصينا فيه من جوه انبهرنا بكل حاجه فيه على الرغم من انه قديم لكن كان باين قوى انه فخم وكل حاجه مكانها متلمستش من سنين طويله لفت نظرنا صوره بالأبيض والأسود كبيره معلقه فى الحيطه مسح عليها عادل من التراب لقيناها ست جميله جدا عرفنا على طول انها حوريه المشهوره بام خلاخيل احنا تنحنا واحنا مبهورين بس اكتر واحد فينا الصوره خطفتوا عادل لأنه فضل متنح كتير واحنا زحناه بالعافيه من قدام الصوره كنا بنمسك الحاجات القديمه ونشوفها كأننا فى متحف انتيكات بس لما فتحوا صندوقها وطلعوا خلخالها اللى كان فى ظرف قديم مكتوب عليه رساله من حبيبها انا قلبى اتقبض وحسيت اننا هنغضبها قومت اخدتوا منهم ورجعتوا مكانه وخرجتهم بالعافيه وخرجت معاهم
بس اللى حصل بعد كده ان عادل كان بيحكيلى انه بقى دايما شايف صورتها فى خياله ونظرة عنيها وكأنها بتكلمه وانه بقى دايما بيسمع صوت واحده بتناديه انا كنت بحزره وبقولوا متسبش نفسك للأوهام بس انا بعد كده
اتشغلت بشغلى الجديد وبعدنا انا وهو عن بعض الفتره دى بس لما جانى الشيخ وسألنى روحنا انا ويونس ودخلنا بيتها تانى ودورنا على الخلخال لقيناه مختفى عرفت ان سحرها على عادل بدأ من اول ماشاف صورتها وهى اللى خلتوا يرجع وياخد الخلخال عشان تتحرر وتعيد انتقامها من تانى
ساعتها انا قولت بقهره بس حبها يامصطفى وكرهنى
رد عليا حب ايه بس يامريم يابنتى هى بتسيطر على العقل يعنى لما كانت بتخلى الشباب زمان يرحوا برجليهم للساقيه ويرموا نفسهم فيها مش هتقدر تكره راجل فى مراته اسمعى منى وروحى داورى على الخلخال كويس فى بيتك عشان نرجعها من تانى ونخمد سحرها
هزيت راسى وانا موافقه بعد مااقتنعت وجريت ادور على الخلخال قلبت البيت انا وحماتى اليوم كله ملقيناش حاجه فى الأخر قولنا نكمل بكره يمكن نلاقى كنت ظابطه المنبه قبل الفجر لما قومت اصلى ركعتين عشان ربنا يفك الكرب لقيت عادل رايح ناحية الباب وخارج بقولوا
رايح فين عادل الساعه دى ياعادل برضو مردش ساعتها على طول فهمت انه خلاص رايح لقضاه جيت اجرى عليه وانا پصرخ ياعادل ياعاااا صوتى انقطع فجأه لما لقيتها فى وشى المره دى مكنتش بجمالها لا دى كان وشها يرعب وبتبصلى وعينيها بتطلع شرار نظرة ڠضب وتحزير ڠصب عنى بقيت ارجع برجلى بس المره دى مش هخاف ولازم اجمد قلبى قررت اتحرك وعديها لكن فجأه ادفعت دفعه قويه خلتنى. وقعت وانا طايره على دهرى وراسى اتخبطت على الأرض خبطه شديده صړخت اه بصوات عالى من شدة الوقعه بعد كده اخر حاجه شوفتها كانت وشها المرعب وصوت قفل الباب قبل ما اغيب عن الوعى
فقت بعدها على خبط على خدودى ووحده بتقولى قومى قومى يامريم فوقى فتحت عينى وانا بحاول افوق بس لما افتكرت على طول قومت مفزوعه وانا بقول لحماتى اللحقى عادل ياحماتى خرج هايرمى نفسه فى الساقيه فردت عليا هى بهدوء
اهدى اهدى عادل كويس مټخافيش
صړخت فحماتى بعد ما سمعتها والنبى صح والنبى صح عادل كويس بس انا شايفاه خارج وراها هو ايه اللى حصل متفاهمينى ساكته ليه
بصلتى حماتى بابتسامه صافيه وقالتلى هو انتى بس اللى فاكره نفسك خاېفه على جوزك وانا اللى ضنايا هيجينى نوم وانا حاسه ان ابنى فى أى ليله هايضيع منى شوفى يامريم انا من ساعة ماعرفت بالموضوع وانا كل ليله بافتح بيت عمك رضوان الله يرحمه واقعد جمب الشباك اللى مواجه لباب بيتك وابص على الباب من فتحه صغيره من الشباك من ادان العشا لأدان الفجر والليله لما سمعت صرختك انتبهت على طول وشوفت عادل وهو خارج اتصلت بمصطفى اللى بيسهر كل ليله مع يونس وولاد الشيخ عبد العزيز على طريق الساقيه القديمه عشان يلحقوه وفعلا كانوا مستنينوا وعملوا عليه كماشه دا دلقوا عليه جردل ميه عشان يفوق ويصحى
عينى دمعت من الفرحه وانا بسألها طب وهو فين دلوقتى
ردت هى هو دلوقتى فى بيت الشيخ عبد العزيز مع اصحابه والشيخ بيقرالوه وبيهديه انا ساعتها قلبى فرح قوى وانا بقولها ياعنى خلاص ياخالتى عادل خف خلاص
ردت هى لا ياروح خالتك دا بس عشان مصډوم دا سحر ياحبيبتى ولازم ينفك الأول قومى دورى معايا خلينا نخلص النهارده ونلاقيه مفيش وقت
وفعلا كررنا رحلة البحث تانى كنا بندور فى كل حاجه لحد اما عينى جت على صندوق قديم فوق الدولاب
بتاع حوجج الأرض والعقود قررت انزله وادور فيه مسكت السلم وطلعت عليه ببص لقيت حماتى واقفه فى الأوضه ندهت عليها والنبى ياخالتى امسكى معايا السلم احسن انا حساه مش موزون
وفعلأ مسكتهولى اتعليت على اخر السلم عشان اطول الصندوق اللى اول ما مسكته بقول لخالتى امسكى كويس انا نازله عينى جات على الأرض ملقتش حماتى ماسكه السلم ولا فى الاوضه اساسا انما لقيتها هى بتبصلى وهى بتضحك انا صړخت وانا حاسه السلم بيميل بيا يمين ويشمال وانا ماسكه الصندوق التقيل اللى اترمى على الشاشه وطار بعيد وانا وقعت على الأرض ولسه بارفع راسى لقيت الشاشه هاتوقع عليا وانا مستنياها تقع فجأه حسيت بأيد بتشدنى قبل ماتوقع عليا وهى بتقولى فى ايه
يابنتى بس ايه اللى حصل لقيتهاحماتى ومصطفى وراها
صړخت انا فيها وانا بعيط من الۏجع كده برضوا ياخالتى تسبينى وانا متعلقه على السلم عشان تيجى هى توقعنى وتموتنى
ردت عليا حماتى يابنتى انا كنت بتكلم مع مصطفى بره ومدخلتش عندك اساسا فجأه لقينا مصطفى پيصرخ الخلخال اهو ياام عادل كان فى الصندوق اللى وقع
بنبص انا وحماتى لقينا مصطفى ماسك خلخال فضه قديم خالتى