رواية بين اثنان كاملة بقلم امل صالح
المحتويات
الهدوم وطلبت منهم تعمل مكالمة فون وبعدها جريت بسرعة على برة
اټصدمت وبسرعة اتصلت ببابا وانا بطريقي ليهم بالكافيه وكنت بابص حواليا يمكن المحها
عدي جري زي المچنون يدور عليها هو وبابا وانا قعدت باخواتي نستناهم
وبالنهاية عدي طلب من ادارة المكان يراجع الكاميرات وشافها وهي بتجري وبتخرج من باب المول الخلفي
وبسرعة راح على المحل الي هربت منه وطلب يشوف الفون الي اتكلمت منه وياخد الرقم
نزل جري وكان عاوز يوصلنا بس بابا قاله احنا هنرجع بمعرفتنا روح انت الحق اختك انا هاوصل البنات وهاتصل بيك واجيلك لعل وعسى اقدر اساعدك
وفعلا بابا وصلنا وطلب مننا مانجيبش سيرة عن الي حصل وهو راح لمساعدة عدي
طلعنا وصلنا منار وطلبنا منهم متتكلمش ولا تجيب سيرة لحد
لحد. مابابا رجع بالليل وبعد. ماارتاح
حكالنا ان عدي جاب اسم وعنوان الولد عن طريق معارفه بشركة اتصالات وطلب منهم تتبع مكان الفون وبعدها طلع على القسم الي الولد. تابع ليه واتجه بقوة لبيت الولد ولما مالقاش حد في البيت. فضل يسأل ويتحرى عرف ان الولد مقيم مع شلة فا.. سدة شبهه بمكان تاني
كانت عوامة مشبو هة وعدي كان بيسابق الزمن لحق اخته على اخر لحظة والولد واصحابه واخته ومعاها بنتين. كمان بنفس عمرها كانو بيشربو مخد رات
وتم القبض عليهم وتسليم البنات لاهاليهم وتم تسليم الشباب القاصرين لذويهم وتم التعهد على الاهل بمراقبة سلوك اولادهم ومع التحقيق اتضح ان نورا هي الي اتصلت بيه وهو ماصدق عشان ينتقم من عدي وبما انه شاب بالغ تم حپسه پتهم كاير انه پيغرر بالقاصرات عن طريق النت وتهمة تعاكي مخدر. ات ولسة مستنياه لائحة اټهامات
قولتله طب وبعدين يابابا انا خاېفة لېقتلها فعلا
بابا قال انا حاولت اقنعه يوديها لمعالج نفسي عشان سلوكها دة مش طبيعي
مكملتش الجملة وسمعنا عدي بيزعق مع امه وابوه بشكل مش طبيعي
حبيبة ربنا يستر
بابا لاحول ولاقوةالابالله ربنا يعينه
ياللا عالنوم ومعاكم 3 ايام تجهزو نفسكم وهنسافر بعدها
عدي كان موجود وكان بيتكلم. مع بابا وبعدين بابا قالنا انه نازل مع عدي شوية وراجع
مرات عمي قالت ماتنسوش يابنات عاوزة خضار وفاكهة
قولتلها ياسلام عنينا
مجدي قال خدوني معاكم
عمي محمد قاله انت على وشك تبقى مهندس بس تافه ركز بمذاكرتك. امتحاناتك قربت
قولتله اتفقنا ربنا مايحرمني منك
شوية وبابا رجع هو وعدي وودعناهم جميعا ونزلنا عدي نزلنا بالشنط وسلم علينا وكان زعلان اوي وقالي خلي بالك من نفسك
قولتله وانت كمان
سافرنا بعربية بابا والطريق كان كله خضرة ومناظر جميلة سرحت فيها وحبيبة تصور الزرع وتعمل تيك توك بس محدد للأصدقاء بس ودول كلهم بنات اعرفهم واختي فيديوهاتها لذيذة ومناسبة لسنها
سألت بابا عدي كان عاوزك ليه
قالي بياخد رأيي بكل حاجة تخصه وبيشتكيلي من تصرفات امه الي عاوزاه يسيب اخته تخرج وترجع دراستها وهو رافض وبيوديها جلسات لتعديل السلوك
ربنا يهدي منال ونورا
يارب يابنتي بس هو كان عاوزني بموضوع تاني بس انا اجلته
وصلنا وخالي كان في استقبالنا هو ومراته قمر ونقل شنطنا لشقة امي الله يرحمها وقالنا وضبتلكم الشقة تقعدو فيها عشان تكونو براحتكم وبكرة باذن الله تعالى اخدكم على الارض
ومراته طلعتلنا اكل وقعدو معانا شوية رحبوا بينا وبعدين نزلو وسابونا ننام
تاني يوم خالص صحانا بدري كعادة اهل القرى وفطرنا معاه وسط الزرع والمناظر الجميلة امام بيته
كنا بنستنشق هوا نضيف وبعدين طلب مننا نروح معاه الأرض وهناك هايشرحلنا كل حاجة تخص الارض والمحصول
اول ماوصلنا الارض حصلنا ذهول من الي شفناه
لقينا.
اتفاجئت حلا وحبيبه وابوها بأن الارض كبيره جدا ومليانه زرع خضروات وفواكه وخيرات ربنا
شكلها يفرح حلا قالت لخالها ما شاء الله
وحبيبه قالت كل ده بتاعنا
ابتسم خالها وقال لها طبعا يا حبيبتي
رد منير وقال واضح ان انت بتراعي الارض كان عندها حق اختك تستأمنك على الارض دي
ضحك. ايمن وطلب من عامل عنده يجيبله كراسي كان عنده مكتب كدة مبني في وسط الارض دخلنا معاه وطلع دفاتر حسابات وكل مايخص الأرض وطلب من منير يقراها ويراجعها
منير دة مال بناتي انا مليش دعوة
حلا بعد اذنك يابابا انت مسئول عننا بكل حاجة وخالي عاوزنا نتطمن ونعرف كل حاجة ودة مش عيب انا مش مخونة خالي ابدا والي وصت بيه امي انا موافقه عليه وبشهادتك يابابا خالي انسان محترم والعيلة كلها سمعتها سبقاها
ايمن ربنا يكرمك ماشاء الله على تربيتك
منير بصلها بفخر وقال حاضر ياحلا
وبدأ يراجع مع ايمن كل حاجة وبالنهاية قال كله تمام
حلا بس انا ليا طلب صغير ياخالي
ايمن اتفضلي يابنت الغالية
حلا انت على حسب ماسمعتكم بتاخد راتب ونسبة من الربح واحنا بناخد الباقي صح
ايمن اه
حلا هانزود نسبتك ومرتبك كل سنة انت تستاهل كل خير وان شاء الله هادخل كلية زراعة واساعدك
ايمن كتير كدة عليا انا راضي ياحلا ياحبيبتي
منير دة اقل واجب ياللا قومو يابنات
خالكم هايفرجكم عالارض
اخدهم ايمن يفرجهم على الارض ويعرفهم بالعمال كان حنين جدا ومحترم وكل الناس بتحبه
وروحنا معاه استقبلتنا مراته وكانت عامله بط واكل كتير جميل
وفضلت تحكي معانا وقالتلنا امكم كانت اميرة طول عمرها ماشفتش منها الا صلاة ودعاء
ايمن الله يرحمها ويغفر لها
الكل اترحم عليها
ايمن ان شاء الله بكرة اعمامي واولادهم عازمينكم عالغدا في بيت عمي الكبير محرم ودة عمدة البلد هناعشان يتعرفو بيكم
منير باذن الله
حبيبة عم ماما عمدة زي الي بييجوا بالتلفزيون كدة
الكل ضحك ومنير قال بكرة تشوفيه شبه الكبير اوي
الكل ضحك وسهروا قدام البيت واتعشوا وناموا وتاني يوم راحوا لبيت العمدة محرم
كان باستقبالهم راجل ضخم وطويل وشنبه زي الكبير فعلا ومعاه شاب وسيم
منير ليك وحشة ياحاج ماتقبلناش من زمان من قبل العمودية
محرمطمني على احوالك واحوال عيلتك
منير بخير الحمدلله
محرم كان ودود جدا
قال دة عمر ابني دكتور امړاض باطنة
و عرفهم باخواته واولادهم وكان عامل غدا كبير جدا
وقال الغدا دة عشانكم العزومة دي على شرفكم نورتونا
وقعدوا يتغدو وفضلو يتكلمو ويتعرفوا كان في اولاد واحفاد كتير ماشاء الله
محرم قال نويتي على ايه بخصوص الارض ياحلا
حلا لمحرم والله ياعمي زي ماكانت امي سيباها لتصرف خالي انا كمان هاعمل كدة
رد محمد العم التاني عين العقل الارض عزوة وخير
رد سيد العم التالت وياترى انتي ناوية على كلية ايه
حلا والله كنت ناوية على طب بس شكلي هدخل زراعة
سيد وانتي ياحبيبة
حبيبة لسة بدررري
ضحكوا من طريقتها
محمد قال انا عندي شهد. من عمرك ياحلا
ابتسمت شهد وابتسمتلها وفضلنا نتكلم واتبادلنا الارقام
وحبيبة اتصاحبت على عشرين بنت وولد. من سنها
حلا كانت فرحانة بعيلة امها هي وحبيبة جدا
والكل بياكل
بقلم مرفت السيد
منير جاله فون من ابوه
متابعة القراءة
