انا عايزه احكى مشكله وعايزاكم تقولولى انا اللى عملته صح ولا غلط

انا عايزه احكى مشكله وعايزاكم تقولولى انا اللى عملته صح ولا غلط
انا متزوجه من ١٢ سنه وعندى ولدين ٩ سنين و٦ سنين
انا موظفه ومرتبى عالى وكويس تزوجت عن اقتناع وزوجى انسان محترم وطيب وقلبه ابيض ومهنته الاجتماعيه عاليه بين اهله وناسه ويحب الخير للناس
فى بداية زواجنا بعد ربنا مارزقنا باول بيبى قعد معايا وقالى حاولى تساعدى معايا فى البيت وايدى على ايدك عشان نكون مستقبل اولادنا ونقدر نحوش ونعملهم حاجه تسندهم فى تعليمهم ومستقبلهم لان الايام مش مضمونه ع الاقل لو مت ابئى سايبهم مسنودين مايتحوجوش لحد انا وقتها حسيته ان بيستغل مرتبى ومتجوزنى عشان مرتبى ووقتها قولتله انت متجوزنى عشان مرتبى وفهمته انى باخد مبلغ بسيط مرضتش اقوله باخد كام واتنرفزت عليه رد عليا وقالى لا انا اتجوزتك عشان تكونى واجهه لاولادى مش عشان مرتبك وقام وزعل

ومن يومها لحد الان فاهم انى باخد مبلغ بسيط وجه وقت والدنيا ضاقت بيه وكان عليه ديون كتيره وكان مضطر انه يسافر عشان يسدد ديونه حتى وقتها كان معايا دهب وتحويشه تسدد ديونه ومقاليش انه محتاج الدهب ولا سالنى عنه وسيبته يسافر ويتبهدل عشان يسدد الدين ووقتها كنت بقول انا مالى ومال ديونه رغم انه اخدنى معاه وكنت اروح واجى من عنده كتير مره كل سنه وبعد ١٢ سنه جواز اتفاجئ بالمرتب اللى باخده كله ونزل وعتبنى وقالى ليه تكذبى وتخبى عليا لو كنتى قولتيلى من البدايه على مرتبك الحقيقى ولاكنت هزعل لان دا حقك بس من حقى كزوج ان اعرف دخلك كم وكان دايما يشتكيلى من الغربه وانه تعبان وعايز يستقر وانا اقوله خليك اعمل لاولادك وقالى كان يكفينى حتى بالكلام لو قولتيلى انزل اقعد معانا بوظيفتك ومرتبى نقعد مع بعض ونربى ولادنا حتى لو هنقضيها عيش وملح
وانا كنت بحوش من وراه ومفهماه ان مرتبى مش بيكفى حتى يومين ومن طيبه قلبه كان بيصدق لانه مش شاغل باله باخد كام وحتى لو عرف كنت متاكده انه مش هيطلب منه جنيه
رغم انه كان يبعتلى مصروف شهرى قد مرتبى وزياده وكنت اخلصه قبل كل شهر عشان ابعد عنه فكرة مرتبى كم وميدورش ورايا
هوا اللى عملته دا غلط عشان خبيت عليه ومن حقى أأمن نفسى ومستقبلى عشان الرجاله ملهومش امان ومن ساعة ماعرف وهو مكسور وزعلان
ومبقاش يكلمنى ولا يسال فيا ومهمشنى
وقعد معايا وقالى يابنت الناس انا حسيت انك خدعتينى وضحكتى عليا وضيعت من عمرى ١٠ سنين فى الغربه وكان فى ايدك تقفى جمبى وتساعدينى عشان اولادنا والمفروض الزوجه تقف جمب زوجها وتسانده لو فى مقدرتها وصارحنى قالى لما اكتشفت انك بتكذبى عليا حسيت انى عمرك ماهتخافى على عيالى لو جرالى حاجه وطلب منى الانفصال بالهدوء وهيدينى حقى الشرعى وانا مش عايزه اطلق خاېفه من المجتمع اللى حواليا
والنبى فهمونى انا صح ولا غلط وبدون تجريح
تابعو معنا مشكلة عضوة أخرى بعنوان ما بعد الخلع مشكلة عضوة
السلام عليكم 
عاوزه احكيلكم عن اللي حصلي انا كنت متجوزه من ١١ سنه وكانت حياتنا عاديه ومستورين وعايشن زي كل الناس وعندنا بنتين